Biz eresek adamdardyń óz balalaryna bóletin ýaqyty bolmaıtyn kezeńde ómir súrýdemiz. Bizdiń memlekette balalar 3-4 jasqa tolǵannan bastap balabaqshaǵa barady, odan ári mektep, ýnıversıtet... Osylaısha adamdardyń óz balalary ózderine baǵynbaıtyn deńgeıge jetedi. Budan bólek balalarymen ashyq sóılesetin, onyń tárbıesine mán beretin ata-analar da joqtyń qasy. Bári balasyn qysyp ustaýǵa, olarǵa qatal bolýǵa daıyn turady. Balalarǵa qataldyq tanytýdyń qajeti joq sekildi.
Árbir ata-ana olarmen qurdasy sııaqty ashyq sóılesse, olar ózderine ata-anadan artyq eshkimniń jaqyn emes ekendigin túsinedi. «Adyrna» ulttyq portaly ata-analarǵa balalaryna qoıýǵa bolatyn suraqtardyń tizimin usynady.
- «Kúniń qalaı ótti?» degen suraqtyń ornyna qoıýǵa bolatyn suraqtar:
Búgin bolǵan eń qyzyqty oqıǵa týraly aıtyp bershi.
Qandaı jańa aqparat bildiń?
Kúlýińe ne túrtki boldy?
Saǵan kim qyzyqty, kúlkili, aqylǵa syımaıtyn dúnıeler aıtty?
Búgin seni ne tańqaldyrdy?
Búgin bireýge kómektestiń be?
Sen úshin bireý qandaı da bir jaqsylyq jasady ma?
Búgin óziń úshin maqtandyń ba? Ne úshin?
Saǵan búgin kóńilsiz boldy ma?
Búgin saǵan ne qıyn boldy?
Dostaryńmen birge qandaı oıyn oınadyń?
Túski asta kimmen birge otyrdyń?
Synyptastaryńnyń ishinen kimmen dos bolǵyń keledi?
Muǵalimderiń men tárbıeshilerińniń arasynda kim saǵan qattyraq unaıdy? Al kim múldem unamaıdy?
Eger sen bir kúnge muǵalim bolsań, synyptastaryńa ne úıreter ediń?
Bireý saǵan ádiletsizdik kórsetti me?
Kimmen aralaryńda kelispeýshilik boldy?
Eger búgingi kún qaıta oralatyn bolsa, búgingi kúnińdi basqasha qalaı ótkizer ediń?
Osy aptada neni oryndaı almadyń? Al neni oryndaı aldyń?
- Balanyń fantazııasyn damytatyn suraqtar:
Eger aspannan tamaq jańbyrsha jaýsa, osy oryndalý úshin neni qalar ediń?
Qaı janýarmen qydyrýdy qalaısyń: pilmen be álde arystanmen be?
Eger sende tústerdiń atyn ózgertý múmkindigi bolsa, olardy qalaı atar ediń?
Eger bizdiń úıdegi mysyq sóıleı alǵanda, ol ne aıtýy múmkin?
Eger sende kez kelgen jabaıy ańǵa suraq qoıý múmkindigi bolsa, sen odan ne surar ediń?
Eger seniń jeke úńgiriń bolsa, onyń ishinde ne bolar edi?
Eshqashan buzylmaıtyn qabyrǵany neden turǵyzýǵa bolady?
Qandaı janýar mashınany durys, erejelerdi buzbaı júrgize alady dep oılaısyń?
Eger ýaqyt mashınasy bolsa, ne bolady?
Eger adamdar aqshany oılap tappaǵanda, álem qalaı quralatyn edi?
Eger seniń sıqyrly taıaqshań bolsa, qandaı úsh túrli tilek tiler ediń?
- Balanyń ózi týraly suraqtar:
Ózińdi 5 sózben sıpattap bershi
Ózińniń qandaı qasıetińdi unatasyń? Al qaısysyn unatpaısyń?
Eger ózińniń kelbetińdegi bir nárseni ózgerte alǵanyńda neni ózgerter ediń?
Eger qalaǵan jerińe bara alatyn kúshke ıe bolsań, qaıda baratyn ediń?
Úlkender sen týraly neni durys túsinbeıdi dep oılaısyń?
Saǵan aıtylǵan eń úzdik komplımentti aıtshy.
Eger seniń jumys istemeseń de seni qanaǵattandyratyn aqshań bolsa, sen jumys jasar ma ediń?
Eger seniń jeke dúkeniń bolsa, onda ne satar ediń?
Eger sen kitap jazsań, ol ne týraly bolady?
Ózińniń ıdealdy kúnińdi qalaı elestetesiń?
Neni úırengiń keledi?
Qazirgi biletin nárselerińniń ishinde úlken bolǵanda ne qajet bolady dep oılaısyń?
Eger ýaqyt mashınasy bolyp, onymen saıahattaı alatyn múmkindik týyp, úsh jyl burynǵy ómirińe saıahat jasaıtyn bolsań, sol kezdegi ózińe qandaı keńes berer ediń?
Men seni qushaqtaǵan kezde ne sezesiń?
- Ómir jáne álem týraly suraqtar:
Adamdy ne aqyldy etedi?
Bala mektepke ne úshin barady?
Bolashaqta ómir qandaı bolatyn sekildi?
Bala bolǵan ońaı ma? Álde eresek bolǵan ońaı ma?
Balanyń eresek adamdardy syılaǵany durys pa?
Bul ómirde adamdar bir-birin ne úshin aldaıdy?
Árqashan óziń oılap turǵan nárseni basqalarǵa aıta salǵan durys pa?
Adamdar ne úshin sózge keledi, barlyq máseleni aıqaı-shýsyz sheshýge bolmaı ma?
Eresek adamdar ne úshin jıi kúlimsiremeıdi?
Adamnyń jany degenimiz ne, ol qaıda ornalasady?
Mahabbat degen ne?
Baqyt degen ne?
Adam aqshasyz baqytty bola ala ma?
Baılar nelikten aqshalaryn kedeı adamdarǵa bólip bermeıdi?
Biz ne úshin ómir súrip jatyrmyz?
Al siz balańyzǵa osy suraqtardy qoıasyz ba? Eń bolmaǵanda bir ret bolsyn qoıyp kórdińiz be?
"Adyrna" ulttyq portaly
