Allergolog-ımmýnolog Rafaıl Rozenson koronavırýs ınfekııasynyń eki basty ereksheligin atady dep habarlaıdy "Adyrna" ulttyq portaly "QazAqparatqa" silteme jasap.
«Bul vırýstyń eki ereksheligi bar ekenin bilemiz. Negizgi qasıetteri boıynsha adamnyń ımmýn tapshylyǵy vırýsyna (AITV) óte uqsas. Birinshiden, ol AITV sııaqty lımfoıtterdi zaqymdaıdy. Ekinshiden, qannyń uıýyn belsendiredi. Sondyqtan qannyń uıýyna beıim adamdar – qarttar, júkti áıelder jáne basqalar kóp zardap shegedi», — dedi allergolog.
Maman vırýstyń egde adamdar úshin qaýipti ekenin rastady.
«Bul vırýstyń ekinshi ereksheligi – epıdemıologııalyq sıpaty. Ol egde jastaǵy adamdardy, aǵzasy álsiz adamdardy, qant dıabetimen aýyratyndardy, qaterli isik aýrýyna shaldyqqandardy tańdaıdy. Bul eki erekshelik qorǵaýǵa muqtaj adamdardyń kontıngenti kimder ekenin aıtyp tur», — dedi Rafaıl Rozenson.
Aıta ketý kerek, allergolog buǵan deıin ekpeler týraly óz pikirin bildirgen bolatyn.
"Adyrna" ulttyq portaly.
