QR Bilim jáne ǵylym mınıstriniń buıryǵymen bilim berý uıymdaryna alyp barýǵa tyıym salynǵan jáne paıdalanýǵa bolmaıtyn zattardyń tizimi bekitildi dep habarlaıdy "Adyrna" ulttyq portaly.
Atap aıtsaq, bul tizimge qarýdyń barlyq túri, oq-dáriler, jarylǵysh zattar, sondaı-aq tesýge jáne kesýge arnalǵan zattar kiredi.
Jańa normany engizý oqýshylar úshin qaýipsiz jáne jaıly orta qalyptastyrýǵa, sondaı-aq quqyq buzýshylyqtardy ýaqytyly anyqtaýǵa jáne onyń aldyn alýǵa múmkindik beredi.
Osylaısha, mektepterge qarý men oǵan syrtqy uqsastyǵy bar zattardy ákelýge qatań tyıym salynady. Budan bólek, bilim berý uıymdarynda shanshıtyn, kesetin jáne ótkir zattardy, ónerkásiptik quraldardy, oq-dárilerdi, jarylǵysh, ýly, psıhoaktıvti zattardy ákelýge jáne paıdalanýǵa jol berilmeıdi.
Sondaı-aq mektep oqýshylarynyń oqý sabaqtary kezinde smartfon, planshet, pleıerlerdi paıdalanýyna shekteý engiziledi.
Bul shekteýler densaýlyqty baqylaý úshin smartfondy qajet etetin erekshe bilim berý qajettilikteri bar balalarǵa qatysty emes. Máselen, qant dıabeti bar oqýshylarǵa qandaǵy qantty baqylaý úshin smartfon qajet bolýy múmkin.
"Adyrna" ulttyq portaly.
