Resei prezidentı Vladimir Putin AQŞ-ta imperiialarǧa tän mäseleler tuyndap jatyr dep oilaidy. Olar öz küşterıne senımdı bolǧany sonşalyq, şeşımı joq mäselelerdı özderıne jasap jatyr deidı ol. Būl turaly ol Sankt-Peterburg halyqaralyq ekonomikalyq forumynda älemdık aqparat agenttıkterınıŋ basşylarymen bolǧan kezdesuınde mälımdedı.
"Bız Kongressten bastap özge de mınberlerden jalǧasyp jatqan qater men ürkıtuler jaily jiı estimız. Mūnyŋ bärı AQŞ-tyŋ ışkı saiasi prosesterınıŋ barysynda jasalady. Osyny jasaityn adamdar, AQŞ-tyŋ äskeri. saiasi, ekonomikalyq quaty myqty, barlyǧyna şydap beredı dep oilaidy. Sız mäselelerdıŋ qandai ekenın bılesız be? Men sızge būrynǧy Keŋes Odaǧynyŋ būrynǧy azamaty retınde aitaiyn. İmperiialarda qandai problema bar - olar özderın sonşalyqty küştımız dep oilaidy, sondyqtan da kışıgırım olqylyqtar men qatelıkterge jol bersek eşteŋe etpes degen paiymdy ūstanady. Bıreulerdı satyp alamyz, endı bırımen kelısımge kelemız, bıreudı qorqytamyz, al bırın äskeri kemelerımızben üorkıtemız dep sanaidy. Rasymen būl olardyŋ mäselelerın şeşedı. Alaida mäseleler sany artyp keledı. Künderdıŋ künınde olardy şeşe almaityn deŋgeige jetedı. Amerika Qūrama Ştattary senımdı jürısımen, nyq qadamymen Keŋes Odaǧynyŋ jürgen jolmen kele jatyr", - dedı Putin.
"Adyrna" ūlttyq portaly
