Abai audanynda jalpy 34 eldı meken bolsa, onyŋ bügıngı künge 24-ı auyz sumen qamtylǧan. Iаǧni, tūrǧyndardyŋ 71% sapaly auyz sumen qamtylyp otyr. Būl turaly audan äkımı B.Parmanov qala äkımdıgınıŋ «Instagram» jäne Facebook paraqşasynda ötken tıkelei efirde mälımdedı.
Onyŋ aituynşa, ūŋǧyma jäne tasymaldy auyz su paidalanyp otyrǧan 10 eldı mekennıŋ 8-de biyl auyz su qūrylysy jürgızılıp, nätijesınde 25 myŋǧa juyq tūrǧyn taza sumen qamtylady. Onyŋ ışınde 4 eldı mekennıŋ tūrǧyndaryna auyz su jüielerın qosu jūmystary jürgızılude. Atap aitqanda: «İgılık», «Qyzyljar», «Kökbūlaq», «Täuelsızdıkke 20 jyl». Qalǧan 4 eldı mekennıŋ iaǧni, «Jaŋatalap», «Yntymaq-2», «Jaŋa Tūrlan», «Soltüstık saiajai» (Nūrşuaq) qūrylys jūmystary 2021 jyly aiaqtalady.
Keler jylǧa ötpelı ekı eldı mekennıŋ (Aqtas-2, Qūrsai) JSQ-n daiyndauǧa - 48,6 mln. teŋge bölınıp, «Ūlmad» JŞS tarapynan joba daiyndaldy. 2021 jyly qūrylys jūmystaryn jürgızu josparlanuda.
Bır saǧatqa sozylǧan tıkelei efirdı 1500-nan astam qala tūrǧyndary qarady. Osy uaqyt ışınde audan tūrǧyndary tarapynan auyz su, gazben qamtu, sapaly elektrmen qamtu jäne jol men qoǧamdyq kölık mäselesıne qatysty 100 den astam sūraqtar kelıp tüstı. Audan äkımı saualdardyŋ köpşılıgıne tolyq jauap berıp öttı.
Şymkent qalasy äkımdıgınıŋ baspasöz qyzmetı
