Reseı Ulttyq ál-aýqat qorynda AQSh dollaryn saqtaýdan bas tartady. Sondaı-aq Ulybrıtanııa fýnd sterlınginiń úlesi 10-nan 5 proentke tómendeıdi dep habarlaıdy Adyrna.kz, kznews.kz-ke silteme jasap.
Valıýta qurylymyndaǵy ózgeris aldaǵy bir aıda iske asady. Bul týraly kórshi eldiń Qarjy mınıstri málimdedi. Aıtýynsha, qorda AQSh-tyń bir dollary da saqtalmaıdy. Buǵan deıin onyń úlesi 35 proent bolǵan edi.
Esesine eýro men Qytaıdyń ıýanine basymdyq beriledi. Iaǵnı qarjynyń 40 proenti, eýromen 30 proenti Qytaıdyń valıýtasynda saqtalady. Sondaı-aq alǵash ret Reseıdiń Ulttyq ál-aýqat qory 20 proent baılyǵyn altynmen saqtaýǵa bel baılady.
Aıta keteıik, 1 mamyrdaǵy málimet boıynsha Reseıdiń ulttyq qorynda 13,8 trıllıon rýbl bar. Onyń 40 mıllıardy AQSh dollarymen saqtalǵan.
Qarjy mınıstrliginiń málimdemesinen keıin Reseı qor naryǵynda dollar men eýronyń quny sál tómendegen. Qazaqstan qor bırjasynda AQSh-tyń bir dollary 427 teńge 99 tıyn. Eýro 521 teńge 81 tıyn. Al Reseı rýbli 5 teńge 85 tıyn dep belgilendi.
"Adyrna" ulttyq portaly
