Kämeletke tolmaǧan balasyna kölık tızgının bergen mas äkege qatysty ekı äkımşılık hattama toltyryldy, dep habarlaidy «Adyrna» tılşısı Qostanai oblysynyŋ polisiia departamentıne sılteme jasap.
Oqiǧa aǧymdaǧy jyldyŋ 31 mamyrynda Arqalyq qalasynda bolǧan.
Poliseiler "Qauıpsız jol" jedel aldyn alu ıs-şarasyn ötkızu aiasynda "MITSUBISHI PAJERO" avtokölıgın toqtatqan. Jürgızuşı qyzmetkerlerdıŋ zaŋdy talaptaryn oryndaudyŋ ornyna jasyrynuǧa tyrysqan.
«Qudalaudan ketıp, ol azamattardyŋ ömırı men densaulyǧyna qauıp töndırıp, bırneşe ret tötenşe jaǧdai jasady. Dauys zoraitqyş qūrylǧynyŋ kömegımen polisiia qyzmetkerlerı kölık qūralyn toqtatu turaly bırneşe ret būiryq berdı, jürgızuşıge baǧynbaǧan jaǧdaida tabeldık qaru qoldanylatynyn eskerttı. Yqtimal saldaryn baǧalai otyryp, polisiia qyzmetkerlerı "qūqyq qorǧau qyzmetı turaly" Zaŋnyŋ 61-babynyŋ 5-tarmaǧyna säikes artqy doŋǧalaqqa zaqym keltıru arqyly kölıktı mäjbürlep toqtatu üşın tabeldık qarudy qoldandy. Osydan keiın ǧana avtokölık toqtatyldy»,— delıngen habarlamada.Ait keteiık, kölıktı 2007 jyly düniege kelgen kämeletke tolmaǧan bala basqarǧan. Aldyŋǧy jolauşy otyrǧyşynda mas küiınde 35 jastaǧy äkesı bolǧan. Oǧan qatysty 612-baptyŋ 5-bölıgı (basqaru qūqyǧy joq adamǧa t/q basqarudy beru) jäne 613-baptyŋ 1-bölıgı (t/s toqtatu turaly zaŋdy talaptardy oryndamau) boiynşa ekı äkımşılık hattama jasaldy.
«Adyrna» ūlttyq portaly
