«Ūly pedagog Y. Altynsarinnıŋ mūrasy jäne onyŋ qazaqstandyq bılımnıŋ qalyptasuyndaǧy rölı» taqyrybyndaǧy döŋgelek üstelı Qazaqstan Respublikasy Täuelsızdıgınıŋ 30 jyldyǧyna jäne alǧaşqy qazaq pedagog-aǧartuşy Ybyrai Altynsarinnıŋ 180 jyldyq mereitoiyna orailastyrylǧan.
Ūlttyq bılım akademiiasynyŋ Prezidentı Ǧani Bektaiūly Beisembaev jäne akademiianyŋ bırqatar körnektı qairatkerlerı, oblys äkımınıŋ orynbasary Baqyt Amangeldıqyzy Esımova, bılım basqarmasynyŋ basşysy Zäure Änuarbekqyzy Baimenova jäne mädeniet basqarmasynyŋ basşysy Erlan Bolatūly Qalmaqov, oblystyŋ bılım beru ökılderı döŋgelek üstel barysynda qazaqstandyq bılım berudı damytu perspektivasynyŋ maŋyzdy mäselelerın talqylady.
Belgılı qazaqstandyq ǧalymdar, ŪBA müşelerı Esım Ǧarifolla, Serık Nyǧymetollaūly Negimov, Jauymbai Amantūrlyūly Qaraev Akademiia jūmysynyŋ basym baǧyttary turaly, qazırgı pedagogikadaǧy Altynsarinnıŋ ideiasyn saqtau maŋyzdylyǧy turaly aityp berdı.
Ziialy qauym ökılderı, Ybyrai Altynsarin atyndaǧy Ūlttyq bılım akademiiasynyŋ eŋbek sıŋırgen qoǧam qairatkerlerı aǧartuşynyŋ tuǧan elıne taǧzym etuge, pedagogtıŋ mavzoleiıne, onyŋ esımımen atalatyn mūrajaiǧa baryp, Qostanai jerınıŋ ūly perzentınıŋ eskertkışıne gül şoqtaryn qoidy.
Ybyrai Altynsarin qazaq aǧartuşylyq tarihynda jäne ūlttyq mekteptıŋ qalyptasuynda tereŋ ız qaldyrdy.
Jaŋa däuırdegı qazaq ädebietınıŋ damuyna qomaqty üles qosqan ǧalym-aǧartuşy bılım men tärbiege erekşe män berdı. Ol qazaq jastaryn oquǧa, önerge, eldıŋ bolaşaǧyna üles qosuǧa şaqyrdy. Bızdıŋ ortaq mındetımız – Ybyrai Altynsarinnıŋ mūrasyn saqtau jäne ony jas qazaqstandyq ūrpaqtaryna jetkızu.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz