Aqmolada 12 jastaǵy qyzdy zorlady dep aıyptalǵan azamatty alqabıler soty aqtap shyqty. Bul týraly «NeMolchı» qory jazdy, dep habarlaıdy «Adyrna» ulttyq portaly Stan.kz saıtyna silteme jasap.
Jazbada 2019-2020 jyldary 25-26 jastaǵy azamattar 12 jasar qyzdy zorlap kelgeni aıtylǵan.
«25 mamyrda Kókshetaýda aıyptalýshylardyń biri 20 jylǵa, ekinshisi 21 jylǵa sottaldy. Olardyń árqaısysy jábirlenýshige eki mıllıon teńge ótemaqy tóleýi tıis. Al úshinshi aıyptalýshy alqabıler sotyna júginemin degen talap qoıdy. Olar 8 maýsymda kúdiktini aqtap shyqty. Qyzdyń anasynyń aıtýynsha, alqabıler bastaryn tómen salbyratyp, uıalyp otyrǵan. Al prokýror aıyptalýshyny 20 jylǵa túrmege jabýdy suraǵan», - delingen jazbada.
Bul sheshimdi Aqmola oblystyq qylmystyq ister boıynsha aýdandyq soty túsindirdi.
«Tergeýge sáıkes sotta kámeletke tolmaǵan balany zorlady dep aıyptalǵan Aqmola oblysy, elınograd aýdanynyń turǵynyna qatysty qylmystyq is qazylar alqasynyń qatysýymen qaraldy. Zańǵa sáıkes, eger isti alqabıler sotynda qaralsa, aıyptalýshylardyń kinásine nemese kinásizdigine qatysty máseleler, sondaı-aq basqa máseleler jasyryn daýys berý arqyly sheshiledi», - delingen sot habarlamasynda.
Jalpy daýys berýge 10 alqabı men sýdıa qatysady. Bul jerde sottyń daýysy eskerilmeıdi. Eger alty adam aıyptalýshyǵa shyǵarylǵan úkimmen kelispese, kúdikti aqtalady.
«Daýys berý nátıjesinde kópshilik zorlaý turǵysynan da, 16 jasqa tolmaǵan adammen jynystyq qatynas jasaý turǵysynan da kúdiktini aqtaýǵa kelisip, daýys berdi. Qazylar alqasynyń úkimi negizindeaıyptalýshy Qylmystyq kodekstiń 4-bóliginiń 120-baby «Kámeletke tolmaǵandy zorlaý» boıynsha qylmystyq quqyq buzýshylyq jasaýǵa baılanysty oqıǵaǵa qatysy bolmaǵany úshin aqtaldy», - dep qosty sot ókilderi.
Úkim zańdy kúshine engen joq, aıyptaýshy tarap apellıaııaǵa júgine alady.
Eske salsaq, buǵan deıin 2020 jyly úsh er azamat 12 jastaǵy qyzdy zorlady dep aıyptalǵan edi.
"Adyrna" ulttyq portaly
