Aqmolada 12 jastaǧy qyzdy zorlady dep aiyptalǧan azamatty alqabiler soty aqtap şyqty. Būl turaly «NeMolchi» qory jazdy, dep habarlaidy «Adyrna» ūlttyq portaly Stan.kz saityna sılteme jasap.
Jazbada 2019-2020 jyldary 25-26 jastaǧy azamattar 12 jasar qyzdy zorlap kelgenı aitylǧan.
«25 mamyrda Kökşetauda aiyptaluşylardyŋ bırı 20 jylǧa, ekınşısı 21 jylǧa sottaldy. Olardyŋ ärqaisysy jäbırlenuşıge ekı million teŋge ötemaqy töleuı tiıs. Al üşınşı aiyptaluşy alqabiler sotyna jügınemın degen talap qoidy. Olar 8 mausymda küdıktını aqtap şyqty. Qyzdyŋ anasynyŋ aituynşa, alqabiler bastaryn tömen salbyratyp, ūialyp otyrǧan. Al prokuror aiyptaluşyny 20 jylǧa türmege jabudy sūraǧan», - delıngen jazbada.Būl şeşımdı Aqmola oblystyq qylmystyq ıster boiynşa audandyq soty tüsındırdı.
«Tergeuge säikes sotta kämeletke tolmaǧan balany zorlady dep aiyptalǧan Aqmola oblysy, Selinograd audanynyŋ tūrǧynyna qatysty qylmystyq ıs qazylar alqasynyŋ qatysuymen qaraldy. Zaŋǧa säikes, eger ıstı alqabiler sotynda qaralsa, aiyptaluşylardyŋ kınäsıne nemese kınäsızdıgıne qatysty mäseleler, sondai-aq basqa mäseleler jasyryn dauys beru arqyly şeşıledı», - delıngen sot habarlamasynda.Jalpy dauys beruge 10 alqabi men sudia qatysady. Būl jerde sottyŋ dauysy eskerılmeidı. Eger alty adam aiyptaluşyǧa şyǧarylǧan ükımmen kelıspese, küdıktı aqtalady.
«Dauys beru nätijesınde köpşılık zorlau tūrǧysynan da, 16 jasqa tolmaǧan adammen jynystyq qatynas jasau tūrǧysynan da küdıktını aqtauǧa kelısıp, dauys berdı. Qazylar alqasynyŋ ükımı negızındeaiyptaluşy Qylmystyq kodekstıŋ 4-bölıgınıŋ 120-baby «Kämeletke tolmaǧandy zorlau» boiynşa qylmystyq qūqyq būzuşylyq jasauǧa bailanysty oqiǧaǧa qatysy bolmaǧany üşın aqtaldy», - dep qosty sot ökılderı.Ükım zaŋdy küşıne engen joq, aiyptauşy tarap apelliasiiaǧa jügıne alady. Eske salsaq, būǧan deiın 2020 jyly üş er azamat 12 jastaǧy qyzdy zorlady dep aiyptalǧan edı.
"Adyrna" ūlttyq portaly
