Azyq-tülık qymbattap kettı dep halyqtyŋ şyryldap jürgenıne alty aidan assa da, Ükımettegıler baǧany älı bır retke keltıre almai otyr, dep habarlaidy “Adyrna” ūlttyq portaly 31 arnaǧa sılteme jasap.
Öitkenı, baǧaǧa jauaptylar tiıstı jūmystardy oryndamaǧan. Sauda ministrı Baqyt Sūltanov auylşaruaşylyǧy ministrlıgındegı ärıptesterınıŋ 9 türlı şarany atqarmaǧanyn aitty.
Özderınıŋ de jarytyp jūmys ıstegenı şamaly eken. Äkımder tıptı mümkındıktı qūr jıberıp, baǧany aspandatyp aldy, deidı.
Jaǧdaidy öz közımen köruı üşın QR Parlamentı Mäjılısınıŋ deputaty Erlan Saiyrov bazar şarlap qaitty.
31-arnanyŋ jurnalistı Aibar Töljanūly bauyrymmen bazardaǧy azyq-tülık, ettıŋ baǧasyn baǧdarlap qaittyq. Bır sözben aitsaq, etke baǧa "küiıp" tūr! Äsırese, qoi etınıŋ baǧasy aspanǧa şaryqtap ketken... Qoi etı kilogramy 3-myŋ teŋgege jetken! "Bır toqty 60-myŋ teŋgeden asady" deidı saudagerler. Menıŋ oiymşa, ministrler kabinetterınen şyǧyp, halyqtyŋ äleumettık jai-küiın, baǧany baǧdarlap, naqty şaralar qoldanuy kerek! Bügınde, halyq jappai tūtynatyn tauarlardyŋ (et, azyq-tülık) baǧasyna memlekettık retteu qajet!, - dep jazdy ol.Deputat qara bazardaǧy baǧa qarapaiym halyq üşın qymbat ekenın aitty.
Kartoptyŋ baǧasy 450, säbızdıŋ baǧasy 400-den asqan. Al sarymsaq 150-den asyp otyr. Endı myna produktovyi nabordyŋ özı 960 teŋge bır kilogrammnan alǧan kezde. Qara bazardaǧy baǧa ärine halyq üşın qymbat, - dedı deputat.Aita keteiık, Auylşaruaşylyq ministrı Saparhan Omarov kartop baǧasyn alypsatarlar ösırıp otyrǧanyn mälımdegen bolatyn.
