MEDIA CLUB QAZAQSTAN platformasynda mektep tülekterıne arnalǧan tıkelei efir öttı. Efir barysynda, bılım salasyndaǧy sarapşylar joǧary oqu orny men mamandyqty dūrys taŋdau mäselesın talqylap, mektep bıtıruşılerge aqyl-keŋes berdı.
M.S. Närıkbaev atyndaǧy KAZGIýU Universitetı Basqarma Töraǧasynyŋ orynbasary Erbolat Mūhamedjan ŪBT sertifikatyn 2 jylǧa jaramdy qylu kerek degen ūsynys aitty. Onyŋ sebebın bylai tüsındıredı.
«Biyl Qazaqstanda 150 myŋǧa juyq oquşy mektep bıtırdı. Qazırgı taŋda är tülektıŋ aldynda mamandyǧyna säikes universitet taŋdau mındetı tūr. Olardyŋ köbı «grant bolsa, boldy» dep, armandaǧan mamandyǧynda oqymai, qatelesuı de mümkın. Öitkenı bızdıŋ elde «JOO-ǧa mındettı türde mektep bıtırgen jyldan qalmai tüsu kerek» degen stereotip bar. Sondyqtan ŪBT-nyŋ sertifikatyn 2 jylǧa jaramdy qylu kerek. Osy uaqyt ışınde tülek özınıŋ qai salada oqyǧysy keletının anyqtap, mamandyǧyn taŋdap, maqsatyn aiqyndai alady»,- degen ūsynys bıldırdı.
Erbolat Mūhamedjannyŋ ideiasyn BTS Education kompaniiasynyŋ Bas direktory Saiasat Nūrbek qoldap, 11 synyptan keiın üzılıs alu şetelde qalypty jaǧdai ekenın aitty.
«Mekteptı bıtırgen jyly universitetke tüspeseŋ ömırıŋ bıttı degen Keŋes Ükımetınen qalǧan tüsınık bar. Damyǧan elderde öz-özıŋdı tolyǧyraq tanuǧa kömektesetın Gap Year ūǧymy bar. Ökınışke orai, qazır ata-ana men oquşy ŪBT tapsyruǧa 1-2 apta qalǧanda mamandyq taŋdaidy. Aty ädemı estıledı dep özım «Halyqaralyq qūqyq» mamandyǧynda oqydym. Energiiaǧa toly 5 jyl jastyq şaǧym bosqa öttı. Būl salada qyzmet etpedım. Adamnyŋ aldaǧy 50 jyldyq ömırı taŋdaǧan mamandyǧymen bailanysty. Mamandyq taŋdamas būryn tūlǧa retınde qalyptasyp, ışkı qalauyŋdy aiqyndap al. Köp adammen aqyldasyp, bıraq şeşımdı özıŋ şyǧar»,- dep Saiasat Nūrbek tülekterge keŋes berdı.
MEDIA CLUB QAZAQSTAN
70-30-42
