Petropavlda úsh jasar sábıin uryp óltirgen áıelge qatysty sot otyrysy ótip jatyr. Kinásin tolyq moıyndaǵan 23 jastaǵy kelinshek 12 jylǵa deıin bas bostandyǵynan aıyrylýy múmkin, dep habarlaıdy «Adyrna» ulttyq portaly «Eýrazııa» birinshi arnasyna silteme jasap.
Ol qazir sýdıadan úkimdi jeńildetýdi surap otyrǵan kórinedi.
Eske salaıyq, dárigerler búldirshinniń ómiri úshin bir aı boıy kúresip, aqyr sońynda Sasha Zaharovany aman alyp qalý múmkin bolmady. Balanyń jaraqattarynan kisi shoshıdy. Sebebi denesindegi zaqymdardy aıtpaǵanda, qyzdyń ókshesi úsip ketken. Sheshesi qaqaǵan qysta jazǵy aıaq kıimmen júrýge májbúrlegen eken. Saýsaqtaryn da kúıik shalyp, tisteri synǵan. Anasy densaýlyǵy dimkás balasyn aýyryp, jylaı bergen soń urdym dep aqtalǵan. Anasy qyzynan perzenthanada bosanǵan bette bas tartqan eken. Alaıda múgedektik boıynsha járdemaqysyn jaratý úshin óz qamqorlyǵyna qaıtaryp alypty. Osy jyldyń aqpan aıynda kezekti jábirden keıin bala esinen tanyp, aýrýhanaǵa jetkizilgen bolatyn.
"Adyrna" ulttyq portaly
