Şymkent qalasyndaǧy qoǧamdyq kölık 100 jaŋa avtobuspen tolyǧyp, 6 jaŋa baǧyt aşyldy. Qoǧamdyq kölıkterdıŋ kıltın tabystauǧa qala äkımı M.Äitenov qatysyp qyzmetkerlerge sättılık tıledı.
Memleket basşysynyŋ halyqqa qolaily jaǧdai jasau tapsyrmasy aiasynda qalada jüielı jūmystar atqarylyp jatqanyn aitqan qala basşysy qaladaǧy qoǧamdyq kölık biylǧy jyly 80 paiyzǧa jaŋaratynyn aitty.
«Qalamyz halyqqa qolaily bolu üşın qoǧamdyq kölık jüiesın odan ärı damytamyz. Byltyr 590 jaŋa avtobus satyp alynyp, onyŋ 200 ıske qosylǧan bolatyn. Mıne bügın qoǧamdyq kölık taǧy jaŋa 100 avtobuspen tolyǧyp otyr. Qalǧan avtobustardy da ret-retımen ıske qosatyn bolamyz. Sonda qoǧamdyq kölık 80 paiyzǧa jaŋarady. Būl avtobustar gazben jüredı, kondisionerı bar, mümkınşılıgı şekteulı azamattarymyzǧa qolaily»,-dedı qala äkımı.
Sonymen qatar äkım qoǧamdyq kölık jürgızuşılerı bırınşı kezekte mädeniettı bolu kerek ekendıgın atap öttı.
Bügınge deiın, megapoliste 71 baǧyt bolsa, endı qosymşa 6 baǧytqa tolyǧyp, qoǧamdyq kölıkterdıŋ sany 880 avtobusqa jettı. Endıgı jerde jaŋa avtobustar Samal 3, Aq jaiyq, Künşyǧys, Hamza, Şymsiti, Qaitpas 1 möltek audandaryna jüretın bolady.
Ötken aida Şymkent qalasynda kün saiyn 200 avtobusqa qyzmet körsetuge mümkındık beretın metan gazyn toltyratyn kompressorlyq stansiia ıske qosylǧan bolatyn. Aldaǧy uaqytta kün saiyn 300 avtobusqa qyzmet körsetuge mümkındık beretın qalada taǧy bır kompressordy ıske qosu josparlanǧan.
Eger de qoǧamdyq kölıkterdıŋ keşıguı jürgızuşılerdıŋ dörekı söileuı jäne basqa da qoǧamdyq kölıkke qatysty saualdaryŋyz tuyndasa @Shymkent «109» bıryŋǧai bailanys nömırıne habarlasularyŋyzǧa bolady.
Şymkent qalasy äkımdıgınıŋ baspasöz qyzmetı
