Şymkent qalasynyŋ infraqūrylymyn damytu maqsatynda biyl qalada 582 şaqyrym bolatyn kärız qūbyry tartyluda. Qūrylysy jürgızılıp jatqan 19 nysannyŋ 5-ı biylǧy jyly paidalanuǧa berılıp, 18 myŋ halyq tūratyn tūrǧyn üi alaptary kärızge qosylady. Osylaişa, sarqyndy su jüiesıne qosylu körsetkışı 52 paiyzdan 54 paiyzǧa artady.
Bügın Şymkent qalasy äkımınıŋ orynbasary M.Aimanbetov pen energetika jäne infraqūrylymdy damytu basqarmasynyŋ basşysy B.Bulatbekov kärız qūrylysy bastalǧan «Tassai» men «Samal-3» şaǧyn audandarynda atqarylyp jatqan jūmystardy pysyqtady.
«Tassai» şaǧyn audanyn kärız jüiesımen qamtamasyz etu üşın osy jyldyŋ säuır aiynan bastap merdıger mekeme «Saryaǧaş Aman» tarapynan qūrylys jūmystary jürgızılıp jatyr. Būl jobanyŋ jalpy qūny 2 244,8 mln.tg. Ūzyndyǧy 115,2 şaqyrymdy qūraityn kärız jüiesınıŋ qūrylysy 2022 jylǧa ötpelı. Al, «Samal-3» şaǧyn audanyndaǧy qūrylysty merdıger mekeme «Būrǧan-2005» jürgızude. Onyŋ ūzyndyǧy 37,3 şaqyrymdy qūraidy. Nysan keler jylǧa ötpelı.
Aita keteiık, 2025 jylǧa deiın qala tūrǧyndaryn kärız jüiesıne qosu körsetkışın 75 paiyzǧa jetkızu josparlanuda.
Şymkent qalasy äkımdıgınıŋ baspasöz qyzmetı
