Bügın "Şymkent jastar ligasy" oiyndarynyŋ soŋǧy oiyny öttı. Futboldan jeŋımpaz komanda anyqtaldy. Aqtyq oiynǧa qala äkımı Mūrat Äitenov te qatysyp, komandalarǧa qoldau körsettı.
Finaldyq oiyn № 87 A.Nazarbekov atyndaǧy jalpy orta mektebı men №58 jalpy orta bılım beru mektebı arasynda boldy. Nätijesınde 1:0 esebımen № 87 mektep jeŋıske jettı. Al üşınşı oryn №3 Ulyqbek atyndaǧy jalpy orta mektebınıŋ ülesıne tidı.
Jalpy Ligada futbol oiynynan 135 komanda baq synaǧan bolatyn. Jeŋımpazdardy saltanatty marapattau räsımı Qajymūqan atyndaǧy ortalyq stadionda öttı.
Aita ötsek, būl joba qalada alǧaş ret Şymkent qalasynyŋ mädeniet, tılderdı damytu jäne mūraǧattar basqarmasy, Işkı saiasat jäne jastar ısterı jönındegı basqarmasy, Dene şynyqtyru jäne sport, Bılım basqarmalarynyŋ ūiymdastyruymen qolǧa alynǧan.
Şymkent qalasy äkımdıgınıŋ baspasöz qyzmetı
