Biyl Şymkentte 6 000 zeinetker şipajailarda tegın em aluǧa jıberıledı. Bügın onyŋ myŋǧa juyǧyna joldama berıldı.
Sanatoriiaǧa üşınşı ret joldama alǧan 73 jastaǧy zeinetker Sapar Aǧabekov jūbaiymen būl joly Taraz qalasynda ornalasqan «Aişa bibı» şipajaiynda 12 kün em qabyldady.
«Aişa bibı» keşenıne jetkenımızde şipajai qyzmetkerlerı bızdı jyly qarsy aldy. 4 mezgıl tamaq berıldı, mūnda em qabyldauşylarǧa airyqşa yqylas tanytuǧa tyrysyp tūrady eken. Maǧan ūnaǧany, saz balşyqpen emdeu. Buyn aurulary men suyq tigenge köp kömegın tigızdı, - dedı Sapar Aǧabekov.Aita keteiık, zeinetkerlerge joldama qūnyna 50% jeŋıldık jasalady. Azamattar iaǧni, memleket tarapynan 6 kün tegın qyzmet alyp, ūnaǧan jaǧdaida qalǧan 6 künnıŋ aqysyn öz qaltasynan tölep şipajaida qala alady. Qazırgı taŋda 80 jastan asqan qarttarǧa ai saiyn 5 834 teŋgeden äleumettık tölem tölenedı. Odan özge «üide qyzmet körsetu» kömegı qarastyrylǧan.
Şymkent qalasy äkımdıgınıŋ baspasöz qyzmetı
