Qalada azyq-tülık baǧalaryn tūraqtandyru şaralary aiasynda 11 şaǧyn audany, Elşıbek batyr köşesı №116 mekenjaiynda «Äleumettık düken» aşylǧan bolatyn.
Äleumettık dükennıŋ özge azyq-tülık dükenderden erekşelıgı - halyq kündelıktı bırınşı kezekte tūtynatyn azyq-tülık önımderın tömen ärı belgılengen baǧada satuy.
⠀
Memleket basşysynyŋ agroönerkäsıptı damytu jönındegı tapsyrmasyna säikes «Egıstıkten düken söresıne deiın» jobasy aiasynda qalada mūndai dükenderdı köptep aşu josparlanyp otyr. Osy maqsatta qaladaǧy mal bordaqylaumen ainalysatyn «Qasqasu-S» şaruaqojalyǧyna ainalymǧa 200 mln. teŋge qaryz qarajat berılıp, kelısımşart tüzılgen. Kelısımşart negızınde şaruaqojalyq josparǧa säikes qalamyzdyŋ halqy tyǧyz ornalasqan aimaqtarda şılde jäne tamyz ailarynda 2 äleumettık düken aşudy josparlap otyr. Onda kökönıs, et önımderı jäne özge de azyq-tülık satylatyn bolady.
Būdan bölek, şaruaqojalyq osy jyldyŋ tamyz aiynda 4 jyljymaly et önımderın satatyn sauda tırkemelerın ıske qosudy da josparlap otyrǧan jaiy bar. Osyǧan orai, Auyl şaruaşylyǧy jäne veterinariia basqarmasynyŋ basşysy A.Qanybekov şılde aiynda aşyluy josparlanyp otyrǧan 18 şaǧyn audanyndaǧy «Äleumettık dükenge» baryp, ondaǧy jūmys barysymen tanysty.
⠀
Aita keteiık, äleumettık dükennıŋ qūrylys jūmystary tolyǧymen aiaqtalǧan. Qazırgı taŋda dükenge qajettı söreler, jabdyqtardy ornyqtyru jūmystary jürgızılude. Aldaǧy uaqytta «Äleumettık dükender» aşylǧan jaǧdaida tūrǧyndar sapaly ärı arzandatylǧan baǧada azyq-tülık önımderın satyp ala alatyn bolady.
Şymkent qalasy äkımdıgınıŋ baspasöz qyzmetı
