Halyqaralyq karate federasiiasy (WKF) Olimpiadalyq reiting boiynşa Tokio Olimpiadasyna joldama alǧan sportşylar tızımın jariialady. Oǧan säikes, Şymkent qalasynyŋ karateşılerı taǧy ekı Olimpiada lisenziiasyn ielendı.
«D-3» bılıktılıgı boiynşa halyqaralyq reitingke säikes, Daniiar Iýldaşev Olimpiada lisenziiasyna ie bolyp, Aziia öŋırınde eŋ joǧary nätije körsetken üzdık karateşı atandy.
Sondai-aq, taǧy bır jerlesımız Sofia Berulseva (+75 kelı) da halyqaralyq reitingke säikes, qūrlyqtyq joldamaǧa ie boldy. Aita keterlıgı, karateden Qazaqstan qūramasynan Tokio Olimpiadasyna bes joldama bar. Osyǧan deiın Darhan Asadılov reitingte qarsylasynan 1000 ūpai alda bolǧandyqtan merzımınen būryn Olimpiada lisenziiasyna ielık ettı.
Daniiar Iýldaşev - karate sport türınen Qazaqstan Respublikasynyŋ halyqaralyq därejedegı sport şeberı. 2017 jyly Astanada ötken erler men äielder arasynda Aziia chempionatynyŋ kümıs jüldegerı, 2018 jyly İspaniiada ötken «Premer Liga» Halyqaralyq turnirınıŋ kümıs jüldegerı.
Sofia Berulseva - Halyqaralyq därejedegı sport şeberı.
Sonymen, Şymkent qalasynyŋ qorjynyndaǧy Olimpiada joldamalarynyŋ sany 10-ǧa jettı. Onyŋ iegerlerı: Stend atu - Särsenkül Rysbekova, Kravchenko Zoia Oq atu - Iýrii Iýrkov Boks - Zakir Safiullin Qarate - Darhan Asadılov, Daniiar Iýldaşev, Sofia Berulseva. Baidarkada esu - Sergei jäne Timofei Emelianovtar Körkem gimnastika - Alina Ädılhanova
Şymkent qalasy äkımdıgınıŋ baspasöz qyzmetı
