Elimizde 50 pedofıl bostandyqqa shyqty

2740
Adyrna.kz Telegram

Bıyl qamaý oryndaryndaǵy 50 pedofıl bostandyqqa shyqty, olar kámelet jasqa tolmaǵandardy zorlaǵan. Búginde eldegi kolonııalarda 1 861 pedofıl jazasyn ótep jatyr, dep habarlaıdy «Adyrna» ulttyq portaly «Eýrazııa» birinshi arnasyna silteme jasap.

Quqyqtyq statıstıka komıtetiniń málimetinshe, 2021 jyly kámeletke tolmaǵan qazaqstandyqtarǵa qarsy quqyq buzýshylyqtar sany ósti. Pedofılderdiń áreketinen qańtardan sáýirge deıin 1 000 búldirshin zardap shekken. Olardy zorlap, azǵyryp, ózine qol jumsaýǵa ıtermelegen.

«Keıingi bes jylda elimizde balalarǵa qatysty 3 893 zorlyq deregi tirkelgen. 2016 jylmen salystyrǵanda 2020 jyly kámeletke tolmaǵandardy zorlaý 45,8 paıyzǵa ósken. Qylmystyq-atqarý organdarynyń ornyna probaııa qyzmeti quryldy, onyń negizgi mindeti - sottalǵan adamdy túzeý jáne qaıta tárbıeleý bolǵan. Biraq olar áli burynǵydaı jumys istep júr. Bul iste resmılik kóp», - deıdi Májilis depýtaty Baqytbek Smaǵul.

«Bostandyqqa shyqqan qylmyskerlerge qatysty zańdy qadaǵalaýshy bekitiledi, oǵan sottyń sheshimimen bes jyl men segiz jyl aralyǵyndaǵy ýaqyt beriledi. Olar quqyqqorǵaý organdarynyń baqylaýynda bolady», - deıdi QR IIM Qylmystyq-atqarý júıesi komıtetiniń sottalǵandar arasyndaǵy tárbıe jáne áleýmettik-psıhologııalyq jumys basqarmasynyń bastyǵy Bıbigúl Muńaıtpasova.

Al seksolog Irına Kım pedofıldiń ózgerýi múmkin emes ekenin aıtady.

«Shynaıy jáne jalǵan pedofılııa bar. Jalǵany eshqalaı emdelmeıdi, ony eshkim ustap qala almaıdy. Ony emdeý ekitalaı, sebebi ol psıhopatologııa. Adamdardy osyndaı parafılııadan qorǵap qalýdyń jalǵyz joly - hımııalyq kastraııa», - deıdi Irına Kım.

Bıyl bostandyqqa shyqqan 50 pedofıldiń qanshaýyna hımııalyq kastraııa jasalǵany ázirge belgisiz.

"Adyrna" ulttyq portaly

Pikirler