Elımızde 50 pedofil bostandyqqa şyqty

3312
Adyrna.kz Telegram
https://adyrna.kz/content/uploads/2021/06/tört-3.jpg
Biyl qamau oryndaryndaǧy 50 pedofil bostandyqqa şyqty, olar kämelet jasqa tolmaǧandardy zorlaǧan. Bügınde eldegı koloniialarda 1 861 pedofil jazasyn ötep jatyr, dep habarlaidy «Adyrna» ūlttyq portaly «Euraziia» bırınşı arnasyna sılteme jasap. Qūqyqtyq statistika komitetınıŋ mälımetınşe, 2021 jyly kämeletke tolmaǧan qazaqstandyqtarǧa qarsy qūqyq būzuşylyqtar sany östı. Pedofilderdıŋ äreketınen qaŋtardan säuırge deiın 1 000 büldırşın zardap şekken. Olardy zorlap, azǧyryp, özıne qol jūmsauǧa itermelegen.
«Keiıngı bes jylda elımızde balalarǧa qatysty 3 893 zorlyq deregı tırkelgen. 2016 jylmen salystyrǧanda 2020 jyly kämeletke tolmaǧandardy zorlau 45,8 paiyzǧa ösken. Qylmystyq-atqaru organdarynyŋ ornyna probasiia qyzmetı qūryldy, onyŋ negızgı mındetı - sottalǧan adamdy tüzeu jäne qaita tärbieleu bolǧan. Bıraq olar älı būrynǧydai jūmys ıstep jür. Būl ıste resmilık köp», - deidı Mäjılıs deputaty Baqytbek Smaǧūl.
«Bostandyqqa şyqqan qylmyskerlerge qatysty zaŋdy qadaǧalauşy bekıtıledı, oǧan sottyŋ şeşımımen bes jyl men segız jyl aralyǧyndaǧy uaqyt berıledı. Olar qūqyqqorǧau organdarynyŋ baqylauynda bolady», - deidı QR IIM Qylmystyq-atqaru jüiesı komitetınıŋ sottalǧandar arasyndaǧy tärbie jäne äleumettık-psihologiialyq jūmys basqarmasynyŋ bastyǧy Bibıgül Mūŋaitpasova. Al seksolog İrina Kim pedofildıŋ özgeruı mümkın emes ekenın aitady.
«Şynaiy jäne jalǧan pedofiliia bar. Jalǧany eşqalai emdelmeidı, ony eşkım ūstap qala almaidy. Ony emdeu ekıtalai, sebebı ol psihopatologiia. Adamdardy osyndai parafiliiadan qorǧap qaludyŋ jalǧyz joly - himiialyq kastrasiia», - deidı İrina Kim.
Biyl bostandyqqa şyqqan 50 pedofildıŋ qanşauyna himiialyq kastrasiia jasalǧany äzırge belgısız.

"Adyrna" ūlttyq portaly

Pıkırler