Biyl Qazaqstan boiyşa 9 738 tülek «Altyn belgı» iegerı atandy. Būl – ötken jyldarmen salystyrǧanda rekordtyq körsetkış, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
2019 jyly tösbelgını 7349 oquşy, 2020 jyly 8615 oquşy ielengen bolatyn.
Biyl «Altyn belgı» iegerı atanǧan tülekterdıŋ basym bölıgı Türkıstan (1 856), Almaty (1 432) jäne Şyǧys Qazaqstan (738) oblystarynan. Erekşe ülgıdegı attestat iegerlerı saltanatty şara barysynda marapattaldy.
«9738 ümıtker qorytyndy attestattau barysynda öz bılımderın däleldep, «Altyn belgı» iegerı atandy. Būl tülekterdıŋ jalpy sanynyŋ 6,2% qūraidy. Mektep oquşylarynyŋ sany jyl saiyn artyp keledı. Osyǧan bailanysty, jaqsy körsetkışterge jetkenderdıŋ sany da ösıp jatyr. Sonymen qatar taǧy quantarlyq jait — «Altyn belgı» iegerlerınıŋ köbı mūǧalım mamandyǧyn taŋdap jatyr. Bolaşaqta däl osyndai oquşylarymyz mūǧalımderdıŋ qataryn tolyqtyrsa, nūr üstıne nūr», — dep atap öttı bılım jäne ǧylym ministrlıgı mektepke deiıngı jäne orta bılım komitetınıŋ töraiymy Maira Meldebekova.Biyl «Altyn belgıge» ümıtkerlerdıŋ emtihan jūmystaryn mektepter emes, bılım basqarmalary janyndaǧy komissiialar qaraǧanyn aita ketken jön. Komissiia qūramyna bılıktı ärı täjıribelı pän mūǧalımderı kıredı. Qūrylǧan komissiianyŋ şeşımınen keiın ǧana oqu ozattarynyŋ tızımı bekıtıldı. Būl «Altyn belgı» taǧaiyndau räsımınıŋ aşyqtyǧyn qamtamasyz etıp, sybailas jemqorlyq täuekelderın joiady. Jalpy biyl qazaqstandyq oquşylar älemdık ziiatkerlık baiqaularǧa qatysyp, 67 altyn, 125 kümıs jäne 195 qola medal jeŋıp aldy. Sonymen bırge halyqaralyq arenada öz bılımın körsettı. Qazaqstan älemnıŋ 110 elınıŋ arasynda beiresmi komandalyq esepte üzdık otyzdyqqa kırdı. 1998 jyly Qazaqstan 50-şı orynda bolǧan edı.
"Adyrna" ūlttyq portaly
