17 mausymda Özbekstan Prezidentı Şavkat Mirziioev Jaŋa Andijan qalasynyŋ qūrylys alaŋynda ırgetas qalau räsımıne qatysty. Būl turaly memleket basşysynyŋ baspasöz qyzmetı habarlady, dep mälımdeidı “Adyrna” ūlttyq portaly.
Şavkat Mirziioev qūrylysty tarihi oqiǧa dep atady.
«Ekı-üş jyldan berı menı Andijandaǧy baspana mäselesınıŋ şeşımı mazalaidy. Mūnda jer az, baspanaǧa degen qajettılık jyldar öte kele östı. Bır üide bırneşe kelınımen bırge ene tūratyn otbasylar köp. Sondyqtan bız äreket etuge bel budyq, jaŋa qala saluǧa kırıstık. Mūnda 130 myŋnan astam päterlı köpqabatty üiler salynady, 450 myŋnan astam adam tūrady », - dedı Memleket basşysy.Qalanyŋ jalpy aumaǧy 4000 gektardy qūraidy, onyŋ 2000-ynda tūrǧyn üi, äleumettık nysandar, öndırıstık aimaqtar jäne qyzmet körsetu nysandary ornalasady. Prezidenttıŋ tapsyrmasymen taǧy 2000 gektarǧa jasyl aimaqtar qūrylady. Jaŋa qala jobasy 8 kezeŋde jüzege asyrylady. 2021-2041 jyldar aralyǧyn qamtidy. Biylǧy jyly infraqūrylymdy qalyptastyru boiynşa jūmystardyŋ bastapqy kezeŋıne qaita qūru jäne damu qorynan 100 million dollar bölınedı. 33 km auyz sumen jabdyqtau jelılerı, 52 km avtomobil joldary, 18 km elektr jelılerı jäne 27 km gaz qūbyry salynady. Bırınşı kezeŋde 3310 päterlı 170 köpqabatty üi, 1680 oryndyq mektep, 385 oryndyq balabaqşa jäne künıne 200 keluşıge arnalǧan emhana boi köteredı. Qūrylys jūmystary kezeŋınde 10 myŋnan astam tūraqty jūmys orny, qūrylys aiaqtalǧannan keiın - öndırıstık, sauda, äleumettık jäne qyzmet körsetu salalarynda 100 myŋǧa juyq tūraqty jūmys orny qūrylady.
”Adyrna” ūlttyq portaly
Ūqsas jaŋalyqtar
