Memleket basşysy koronavirus ındetıne qarsy küreske zor üles qosqan medisina qyzmetkerlerıne arnap tūrǧyzylǧan «Altyn jürek» eskertkışınıŋ aşylu räsımıne qatysty. Eskertkış elordanyŋ sol jaǧalauynda Almaty men Aqmeşıt köşelerınıŋ qiylysyndaǧy jaŋa saiabaqtyŋ aumaǧynda ornalasqan. Būl turaly "Adyrna" ūlttyq portaly Aqorda resmi saityna sılteme jasap habarlaidy.
Prezident saltanatty lentany qiyp, eskertkışke gül şoǧyn qoidy. Sodan keiın aşylu räsımıne jinalǧan medisina qyzmetkerlerınıŋ aldynda söz söiledı.
Qasym-Jomart Toqaev öz sözınde «Altyn jürek» eskertkışınıŋ aşyluy asa qauıptı ındetpen betpe-bet kelgen otandastarymyzdyŋ yntymaǧy men bırlıgın körsetetının atap öttı. Memleket basşysy därıgerlerge arnap eskertkış ornatu turaly tapsyrmany byltyr «Bız bırgemız» jalpyūlttyq onlain-forumynda bergen edı.
Qasym-Jomart Toqaev densaulyq saqtau jüiesınde qyzmet etu öskeleŋ ūrpaq üşın märtebelı ärı tartymdy boluy tiıs dep sanaidy.
Sonymen qatar Prezident orta deŋgeidegı medisina qyzmetkerlerıne qoldau körsetu mäselesıne toqtaldy. Onyŋ pıkırınşe, olar densaulyq saqtau jüiesınıŋ basty resursy jäne jūmystyŋ negızgı bölıgın atqarady.
– Būl – jahandyq dertke qarsy küresken otandastarymyzǧa degen el qūrmetınıŋ belgısı. Sondai-aq halyqtyŋ adal perzentterıne ystyq yqylasynyŋ körınısı. Eskertkış el basyna qiyndyq tuǧan sätte qaharmandyq körsetken jandardyŋ ruhyna taǧzym etu ornyna ainalady, – dedı Prezident.Memleket basşysy densaulyq saqtau salasynda jūmys ısteitın 10 myŋǧa juyq qyzmetker koronavirus jūqtyryp, onyŋ 200-den astamy qaitys bolǧanyn jetkızdı. Byltyr Qazaqstan Prezidentınıŋ Jarlyǧymen «Halyq alǧysy» medalı bekıtılıp, pandemiiaǧa qarsy küreste alǧy şepte bolǧan köptegen otandasymyz marapattaldy. Prezidenttıŋ aituynşa, būl olardyŋ qajyrly eŋbegı men eren erlıgıne degen halyqtyŋ ystyq yqylasynyŋ belgısı. Marapatqa ie bolǧan azamattardyŋ köpşılıgı densaulyq saqtau salasynyŋ qyzmetkerlerı. Qasym-Jomart Toqaev pandemiia kezınde memleket tarapynan därıgerler men jalpy medisina qyzmetkerlerın qoldauǧa baǧyttalǧan yntalandyru şaralary toptamasy qabyldanǧanyn aitty.
– Koronaviruspen küreske atsalysqan därıgerlerge tölenetın tek üstemeaqy men saqtandyru järdemaqylary üşın 180 milliard teŋgege juyq qarjy bölındı. Ükımet biylǧy qazan aiyna deiın tölemaqy berudı jalǧastyru üşın osy maqsatqa qosymşa 71,5 milliard teŋge böledı. Bız därıgerlerdıŋ eŋbekaqysyn kezeŋ-kezeŋımen arttyrudy bastadyq. Būl ürdıs jalǧasa beredı, – dedı Memleket basşysy.Prezident öz sözınde medisina qyzmetkerlerın äleumettık tūrǧydan qorǧaudyŋ tiımdı jüiesın qūru maŋyzdylyǧyna nazar audardy.
– Būl jüiede auyldyq jerge kelgen mamandarǧa mındettı türde tūrǧyn üi beru, bırjolǧy järdemaqy töleu jäne basqa da jeŋıldıkter qamtylǧan. Mūndai şaralar oblystar men qalalar äkımderınıŋ belsendı atsalysuymen elımızdıŋ barlyq öŋırınde qabyldanuǧa tiıs, – dedı Qasym-Jomart Toqaev.Sonymen qatar Prezident tek qarjylai yntalandyrudyŋ jetkılıksız ekenın aitty.
– Medisina qyzmetkerlerınıŋ moraldyq jäne zaŋdyq jauapkerşılıgı artyp keledı. Azamattar tarapynan qoiylatyn talap ta joǧary. Köptegen maman qysymǧa şydamai, käsıbi tūrǧydan qajyp, densaulyq saqtau salasynan bas tartuda. Ökınışke qarai, būl alaŋdatarlyq jaǧdai. Atalǧan ürdıs elımızde ǧana oryn alyp otyrǧan joq. Sondai-aq bükıl älemde bes millionnan astam därıger jetıspeidı. Osy oraida medisina qyzmetkerlerınıŋ qūqyqtyq jäne äleumettık tūrǧydan qorǧaluyn bırtındep küşeitu qajet. Menıŋ tapsyrmam boiynşa jyl soŋyna deiın medisina qyzmetkerlerınıŋ käsıbi jauapkerşılıgın saqtandyru jüiesı ıske qosylady, – dedı Memleket basşysy.Prezident medisina qyzmetkerlerınıŋ qoǧamdaǧy märtebesın arttyru üşın «Qazaqstan Respublikasynyŋ eŋbek sıŋırgen därıgerı» ataǧyn engızudı ūsyndy. Ataqpen bırge materialdyq syiaqy da berıledı. Onyŋ kölemın Ükımet belgıleidı.
Qasym-Jomart Toqaev densaulyq saqtau jüiesınde qyzmet etu öskeleŋ ūrpaq üşın märtebelı ärı tartymdy boluy tiıs dep sanaidy.
Sonymen qatar Prezident orta deŋgeidegı medisina qyzmetkerlerıne qoldau körsetu mäselesıne toqtaldy. Onyŋ pıkırınşe, olar densaulyq saqtau jüiesınıŋ basty resursy jäne jūmystyŋ negızgı bölıgın atqarady.
– Bızge meiırgerlerdıŋ jaŋa buynyn qalyptastyru qajet. Olar tek oryndauşylar ǧana emes, köp salaly emdeu tobynyŋ jauapkerşılık jüktelgen teŋ qūqyqtyq müşelerı boluy tiıs. Osy oraida olardyŋ käsıbi daiyndyǧynyŋ deŋgeiın bırtındep köterıp, meiırgerlık ısınıŋ märtebesın arttyru qajet, – dedı Memleket basşysy.Prezident öz sözınde Elbasynyŋ bastamasymen ıske asyrylǧan «Bız bırgemız» aksiiasy aiasynda pandemiiaǧa qarsy küreske zor üles qosqan erıktıler men mesenattardyŋ qyzmetın atap öttı. Qasym-Jomart Toqaev barşa medisina qyzmetkerlerın käsıbi merekesımen qūttyqtap, «Altyn jürek» eskertkışı ornalasqan saiabaqty «Därıgerler alleiasy» dep ataudy ūsyndy. Memleket basşysy jaŋadan aşylǧan keşen aq halatty abzal jandarǧa degen halyq alǧysynyŋ belgısı bolatynyna senım bıldırdı. Jiyn soŋynda Memleket basşysy medisina qyzmetkerlerımen äŋgımelestı. Därıgerler körsetılıp jatqan qoldauǧa alǧys aitty.
"Adyrna" ūlttyq portaly
Ūqsas jaŋalyqtar
