Eraly Toǧjanov “elordada ündı ştamy tabyldy” degen küdıkke bailanysty karantin şaralary küşeitıluı mümkın ekendıgın aitty, dep habarlaidy “Adyrna” ūlttyq portaly.
Aituynşa, elımızde jaǧdai tūraqty. Alaida elordadan “ündı ştamy tabyldy degen oidai küdık bar”.
«Virustyŋ reproduktivtı indeksı 1-ge teŋ, bıraq bız älemde jäne şekaralas elderde jaǧdaidyŋ qandai ekenın körıp otyrmyz. Iаǧni, koronavirustyŋ jaŋa ştamdary tez taraidy. Nūr-Sūltanda skrining jürgızıldı, sondyqtan mūnda Soi (Aleksei - densaulyq saqtau ministrı. - avtor.) delta-ştamm (ündı ştamy) baryn aitty. Osyǧan bailanysty öŋır äkımderı ahualdy baqylauǧa aluy tiıs. Bügıngı taŋda VAK otyrys ötkızıp, Nūr-Sūltan qalasynda jäne basqa da öŋırlerde sanitarlyq-epidemiologiialyq talaptardy küşeitu jönındegı şaralardy qaraidy», - dedı Toǧjanov Ükımet otyrysynda.Adamdar köp jinalatyn jerde qalai saqtanu kerek?
«Adamdar jeke qorǧanys qūraldaryn qoldanuy kerek, sonymen qatar, barlyq aimaqta monitoringtık toptardyŋ jūmysyn küşeitu qajet, al qoǧamdyq oryndarǧa kelgender qorǧanys şaralaryn qataŋ saqtauy tiıs. Sondai-aq, Ashyq qosymşasy boiynşa ötıŋızder. Öŋır äkımderı, barlyq memlekettık organ osy jaǧdaidy baqylauy tiıs», - dedı Toǧjanov.
