QR premer-ministrı Asqar Mamin töraǧalyq etken Ükımet otyrysynda eldegı sanitarlyq-epidemiologiialyq jaǧdai qaraldy, - dep habarlaidy primeminister.kz.
«Qazaqstandaǧy sanitarlyq-epidemiologiialyq jaǧdai tūraqty jäne baqylauǧa alynǧan. Virustyŋ reproduktivtık indeksı - 1, infeksiialyq tösek oryndar 25 paiyzǧa, reanimasiialyq tösek oryndary 21 paiyzǧa toly. Nūr-Sūltan qalasy älı de «qyzyl aimaqta» tūr, «sary aimaqta» 5 öŋır: Almaty jäne Şymkent qalalary, Atyrau, Batys Qazaqstan jäne Qaraǧandy oblystary ornalasqan. Qalǧan 11 öŋır – «jasyl aimaqta», - dedı densaulyq saqtau ministrı Aleksei Soi.Bügıngı taŋda 2,8 millionnan astam adam bırınşı komponenttı, 1,7 millionnan astamy ekınşı komponenttı aldy. Premer-ministr elordada koronavirustyŋ «Delta» ündı ştamyna tän mutasiianyŋ yqtimaldyǧy anyqtalyp otyrǧanyn, onyŋ taralu jyldamdyǧy öte joǧary, jyldam örşitının jäne saldary anaǧūrlym auyr ekenın atap öttı. Ükımet basşysy sanitarlyq-epidemiologiialyq jaǧdaidy baqylauda ūstaudy, Vedomstvoaralyq komissiiaǧa elordadaǧy sanitarlyq-epidemiologiialyq talaptardy küşeitu boiynşa qosymşa şaralar qabyldaudy tapsyrdy.
«Jalpy, Qazaqstandaǧy jaǧdai tūraqty bolǧanyna qaramastan, körşı memleketterdegı jaǧdai naşarlai tüstı. Sondyqtan memlekettık şekarada baqylaudy küşeitu kerek, sondai-aq sanitarlyq-epidemiologiialyq normalardy qataŋ saqtauǧa jäne vaksinalau qarqynyn arttyruǧa erekşe nazar audaru qajet», - dedı Mamin.
