2021 jyly Aqtöbe oblysynda 465 şaqyrym jol jöndeledı. Būl turaly OKQ-de ötken baspasöz mäslihatynda Aqtöbe oblysynyŋ äkımı Oŋdasyn Orazalin jetkızdı.
«Oblysta jaqsy jäne qanaǧattanarlyq jaǧdaidaǧy joldardyŋ ülesı bügıngı künı 61% qūraidy. 5 jyl būryn būl körsetkış 48% boldy. Biyl 465 şaqyrym joldy jöndeu josparlanǧan. Nätijesınde jaqsy jäne qanaǧattanarlyq jaǧdaidaǧy joldardyŋ ülesı 66% -ǧa deiın artady», - dedı O. Orazalin.Atap aitqanda, 2021 jyly qūny şamamen 47 mlrd. teŋge bolatyn Aqtöbe - Atyrau - RF (Astrahanǧa baratyn jol) şekarasy arasyndaǧy avtokölık jolyn paidalanuǧa beru josparlanyp otyr. Sonymen bırge «Aqtöbe-Qandyaǧaş» uchaskesın qalpyna keltıru jūmystary bastaldy, jobanyŋ jalpy qūny 62,5 mlrd. teŋge. Sondai-aq, aǧymdaǧy jyly Aqtöbe - Orsk, Aqtöbenıŋ Oŋtüstık ainalma joly, Qobda - Märtök uchaskelerın qalpyna keltıru jäne kürdelı jöndeu siiaqty ırı jobalardy aiaqtau josparlanuda. Qalalyq tasymaldau jūmystaryna keletın bolsaq, mūnda elektrondy tölem jüiesı men jolaqynyŋ differensiialanǧan türı engızılıp, 250 qalalyq marşruttyq avtobustarda validatorlar ornatylǧan. Oblystyq avtobus baǧytyndaǧy 10 tasymaldauşynyŋ şyǧynyn subsidiialauǧa 96 mln teŋgeden astam qarajat bölındı. Temırjol tasymaly salasynda biyl äleumettık maŋyzy bar «Aqtöbe-Şalqar» audanaralyq bailanysyn subsidiialauǧa 324 million teŋge bölındı.
