Aqtöbe oblysynda biyl 1 million şarşy metrden astam tūrǧyn üi salynady. Būl turaly oblys äkımı Oŋdasyn Orazalin Ortalyq kommunikasiialar qyzmetınde ötken Aqtöbe oblysynyŋ biylǧy bes aidaǧy äleumettık-ekonomikalyq damuynyŋ qorytyndylary men aldaǧy kezeŋge arnalǧan josparlary turaly baspasöz mäslihaty barysynda mälımdedı.
Oblys äkımı Oŋdasyn Urazalin memleket basşysynyŋ azamattardy tūrǧyn üimen qamtamasyz etu jönındegı tapsyrmalarynyŋ jüzege asyryluy jaiynda baiandady.
«Aǧymdaǧy jyldyŋ bes aiy ışınde oblysta 270 myŋ şarşy metr tūrǧyn üi paidalanuǧa berıldı, būl degenıŋız 1100-den astam päter. Jyl soŋyna deiın kemınde 1 mln şarşy metr tūrǧyn üidı - 7 200-den astam päterdı paidalanuǧa berudı josparlap otyrmyz. Osy jyly halyqtyŋ äleumettık osal toptaryn baspanamen qamtamasyz etuge 5,6 milliard teŋgeden astam qarajat bölındı », - dep habarlady oblys äkımı.Sonymen qatar, «Nūrly jer» memlekettık baǧdarlamasy aiasynda 824 şaqyrymdyq injenerlık-kommunikasiialyq infraqūrylymdy, iaǧni gaz, su, elektr jäne kärız jelılerın saluǧa 11,1 mlrd. teŋge bölınedı. Sonymen bırge öŋırde üilerdı jaŋartu jūmystary jürgızılude - jyl soŋyna deiın 28 jobany ıske asyruǧa 1 mlrd. teŋge bölındı. Sondai-aq, tūrǧyn üidı jaŋǧyrtu jūmystary demeuşılık qarajatpen de jüzege asyryluda. Atap aitqanda, aǧymdaǧy jyly Aqtöbe oblysynyŋ äkımdıgı men ERG korporasiiasy arasyndaǧy özara yntymaqtastyq turaly memorandum aiasynda jalpy somasy 540 mln.teŋgege 32 üige kürdelı jöndeu jūmystary jürgızılıp jatyr.
«Maŋyzdy mäselelerdıŋ bırı bolyp ärqaşan äleumettık nysandardyŋ qūrylysy qala beredı. Halyqty sapaly medisinalyq qyzmettermen tolyqtai qamtamasyz etu üşın aǧymdaǧy jyly jalpy qūny 900 million teŋgeden asatyn 8 densaulyq saqtau nysanyn salu josparlanǧan. Üş auysymdy jäne apatty mektepter mäselesın şeşu üşın 4800 balaǧa arnalǧan 15 bılım beru nysany salynyp jatyr, onyŋ ışınde 10 nysandy jyl soŋyna deiın paidalanuǧa beru josparlanǧan. Nätijesınde bes üş auysymdy, alty jetıspeitın, bır apatty jäne üş eskı mekteptıŋ mäselesı şeşıledı », - dedı spiker.Sondai-aq, oblysta sport nysandarynyŋ qūrylysy da jalǧasuda. Jyl basynan berı rollerlık şaŋǧy trassasy, triatlon parkı jäne ekı sporttyq-sauyqtyru ortalyǧy paidalanuǧa berıldı. Jyl soŋyna deiın oblystyŋ taǧy üş audanynda sporttyq-sauyqtyru keşenderın paidalanuǧa josparlanuda.
