Biyl Aqtöbe oblysynda 14 auyl gazdandyrlady. Būl turaly Ortalyq kommunikasiialar qyzmetınde ötken baspasöz mäslihatynda Aqtöbe oblysynyŋ äkımı Oŋdasyn Orazalin mälımdedı.
«Auyz sumen jäne gazben qamtamasyz etu – memleket basşysy ünemı aityp otyratyn basym mındetterdıŋ bırı. Bügınde oblys ortalyqtandyrylǧan sumen qamtu jaǧynan Qazaqstan boiynşa öŋırler arasynda üzdık bestıktıŋ qatarynda. Körsetkış 96,2%-dy qūraidy. Biyl qūny 8,4 mlrd. teŋge bolatyn 28 jobany jüzege asyru josparlanyp otyr. Būl jyldyŋ qorytyndysy boiynşa oblys halqynyŋ 97,3%-n ortalyqtandyrylǧan sumen qamtamasyz etuge mümkındık beredı. 2025 jylǧa qarai bız halyqty auyz sumen 100% qamtamasyz etu mındetın qoiyp otyrmyz», - dedı O.Orazalin. Qazırgı kezde oblys tūrǧyndarynyŋ 91,6%-y gazben qamtamasyz etılgen. Biyl gazben jabdyqtau jobalaryn ıske asyruǧa 5,9 mlrd. teŋge qarastyrylǧan. Nätijesınde 14 auyldyŋ tūrǧyndary üşın kögıldır otyn qol jetımdı bolady, būl tūrǧyndardyŋ gazben qamtyluyn 92,6% -ǧa deiın arttyrady.
