Almatyda Sirktıŋ aldynda subūrqaqqa tüsken balalar opat bola jazdady. Olardy qūtqaruǧa ūmtylǧan anasy auyr halde jansaqtau bölımınde jatyr. Äzırge fontanǧa jauapty mamandar adamdardy qalai toq soqqanyna qatysty tüsınıkteme bergen joq. Būl turaly «Adyrna» ūlttyq portaly «Euraziia» bırınşı arnasyna sılteme jasap habarlaidy.
Oqiǧa senbı künı saǧat üşter şamasynda bolǧan. Sol maŋda balalarymen jürgen Ükılai ekı qyzdyŋ aiaq kiımın şeşıp, subūrqaqtyŋ jiegınde otyrǧanyn baiqaǧan. Kenetten olardy toq soqqanyn körıp, jedel dabyl qaǧyp kömekke şaqyrady. Abylai degen jıgıt zardap şekkenderdı syrtqa şyǧaruǧa kömektesıptı. Sudan şyǧarǧan kezde kelınşek pen onyŋ qyzy esınen tanyp qalypty. Jedel järdem kelgenşe sol maŋdaǧylar alǧaşqy kömek körsetken.
«Qalai tartyp ketkenın ortada jabysyp tūrdy. Men körgen kezde bärı sereiıp-sereiıp kädımgıdei jabysyp tūrǧannan men olardy toq ūrǧanyn ūqtym. Öitkenı kädımgıdei joǧarǧy temırlerge anasy qadalyp qalǧan siiaqty boldy. Kädımgı ömırlerı üzılıp ketkendei», - deidı kuäger Ükılai Bestai.Qyzy men anasyn su būrqaqtan alyp şyqqan Abylai Balapanov degen jıgıt osy. Ol sirktıŋ janyndaǧy oryndyqta terıs qarap, kıtap oqyp otyrypty. Kömek sūraǧan dauysty esti sala qol ūşyn sozuǧa ūmtylǧan. Onyŋ aituynşa qyzdardyŋ bırınıŋ kiımı fontanǧa ılınıp, qalypty. Anasy qyzyna barǧanda özı toqqa tüsken boluy mümkın dep topşylauda. Aldymen qyzdardyŋ bırın şyǧaryp, anasyn qūtqarmaq bolǧanda özın toq soǧypty. Taǧy bır qyzdy şyǧaruǧa şamasy bolmaǧan.
«Estıgennen keiın bırden suǧa sekırdım. Endı anasyn alyp şyǧaiyn dep edım, toq menı de ūrdy. Bıraq qatty emes. Aiaqtan jambasqa deiın ūrdy. Sonda artqa qadam jasadym. Fontan öştı. Ol öşkende toq joq boldy. Sol sätte anasyn ūstadym. Şyǧarǧan kezde maǧan ekı bala kömektestı. Myna kafeldıŋ üstıne qoiyp qoidyq», - deidı qala tūrǧyny Abylai Balapanov.Al qoǧamdyq densaulyq saqtau basqarmasynyŋ mälımetı boiynşa auruhanaǧa üş adam jetkızılıptı. Segız jäne 10 jastaǧy ekı jetkınşek şūǧyl medisinalyq järdem auruhanasyna jatqyzylsa, kelınşek qalalaq ortalyq klinikalyq auruhanaǧa jetkızılgen. Balalardyŋ bırınıŋ betı berı qarapty. Al kelınşektıŋ jaǧdaiy öte auyr eken.
«Äiel adam qazır qalalyq ortalyq klinikalyq auruhanada jatyr. Reanimasiia bölımınde. Jaǧdaiy öte auyr. Ekı balamyz, qyzymyz. Bıreuı 10 jasta onyŋ jaǧdaiy qazır orta deŋgeide. Keşe reanimasiiadan otdeleniege auystyrdyq. Al ekınşı qyzymyz 8 jastaǧy ol qazır älı reanimasiiada, bügıngı jaǧdaiyn baqylap qaraimyz», - deidı qalalyq qoǧamdyq densaulyq saqtau basqarmasy basşysynyŋ orynbasary Laura Myrzaǧali.Äzırge qaladaǧy subūrqaqtarǧa jauapty mekeme basşylyǧy apattyŋ neden tuyndaǧanyna qatysty jauap bergen joq. Degenmen äleumettık jelıde toq soǧu qaupı bar jerge özderı tüskenı turaly pıkır bıldırgen. Degenmen qondyrǧylarynda aqau boldy ma ol jaǧyn aşyp aitpady. Qazır polisiia qylmystyq ıs qozǧap tergeu amaldaryn qolǧa alǧan. Tergeu qortyndysy boiynşa prosesualdyq şeşım qabyldanbaq. https://www.youtube.com/watch?v=54W6VTD9hZI
"Adyrna" ūlttyq portaly
