Pavlodar qalasynyń № 21 sábıler baqshasynda «Rýhanı jańǵyrý» baǵdarlamasy aıasynda qazaq halqynyń tarıhy men mádenıeti, turmys-tirshiligi men salt-dástúrlerine arnalǵan shaǵyn murajaı ashyldy.
Jobanyń maqsaty – halqymyzdyń tarıhı-mádenı murasymen tanystyra otyra, mektepke deıingi tárbıelenýshilerimizge patrıottyq tálim-tárbıe berýdegi tıimdi ádis-tásilderdi damytý. №21 sábıler baqshasynyń basshysy Svetlana Bertybaevanyń sózine qaraǵanda, murajaı ashýdy burynnan kózdegen eken. Halqymyzdyń mádenıeti men turmysyn zertteý barysynda, jyl saıyn balalar ata-analarymen birigip óz qoldarymen turmystyq zattar men qolóner týyndylaryn jasaǵan. Qazaq tili buryshy keńeıe bastaǵanda, murajaı ashý oı paıda boldy. «Murajaı ashý – balalarǵa patrıottyq tárbıe berý boıynsha baǵytymyzdyń aıtarlyqtaı jalǵasy bolyp keledi. Jınalǵan materıaldardy júıelep, joba boıynsha jumysymyzdy jalǵastyrýdamyz. Kózdegen maqsattymyzdyń nátıjesi de anyq. Mektep jasyna deıingi balalar kórnekti aqparatty negurlym jaqsy qabyldaıdy. Bul jerde jádigerlerdi tek qana kórmeı, olardy qoldaryna ustap, oınaýylaryna da múmkindik bar», - deıdi Svetlana Qabdolqyzy. Bul bastamany ata-analar da quptap, balalar jáne tárbıeshilermen birigeıe otyra, murajaı ekspozıııalary jasalǵan. Murajaıdy tolyqtyrý jumysy jalǵasýda, degenmen «Kıiz úı», «Ulttyq kıim», «Ydys-aıaq», «Baskıimder», «Zergerlik buıymdar», «Tórt túlik mal» shaǵyn ekspozıııalar kórsetilýde. Shaǵyn murajaıda «Aýyl» ekspozıııasy erekshe oryn alady. Bul jerde kishireıtilgen mólsherde kıiz úıler, altybaqandar, arba, úı janýarlary , ıaǵnı qazaq aýyldyń ómiri kórinis tapqan.Úlken kıiz úıdiń ishinde quraq kórpeler, sandyqtar, qamshy, qorjyn, besik, qazaq ústel – syndy turmys zattary kópshilikke usynylǵan. Dastarhan basyna otyryp, baýyrsaq pen qurttyń dámin de tatýǵa múmkindik bar. Sonymen qatar «Arqan tartys», «Asyq atý», basqa da ulttyq oıyndar oınaýǵa bolady. Osynyń barlyǵyn balalar ata-analarymen birigip jasaǵan. Eksponattardy jasaý úderisi balalar men ata-analardy aıtarlyqtaı qyzyqtyrǵany sonsha, keıbir ata-analar shamalarynsha zertteý jumystarymen aınalysyp «Kıizúı», «Qyzdardyń áshekeı buıymdary», «Kilem toqý», «Qoldanbaly aǵash óneri» taqyryptary boıynsha jumystar daıyndaǵan. Qazaq tili oqytýshysy Álııa Jumaǵúlovanyń aıtýynsha, shaǵyn murajaı jasaý barysy oqý – tárbıe jumysyna ońtaıly septigin tıgizgeni anyq. «Sabaqta balalardyń belsendiligi kúsheıip, jańa aqparattyq jańalyqtarmen tanysý barysynda, olardy san qyrly jaqtan zerttep bilý arqasynda qyzyǵýshylyqtary arta tústi .Ásirese, balalar «ekskýrsııa júrgizýshi» sıýjettik-róldi oıyn oınaýdy jaqsy kóredi», - deıdi Álııa Tólegenqyzy. Shaǵyn murajaıǵa kelýshilerge ekskýrsııany balalardyń ózderi júrgizedi, onyń ishindegi jas ekskýrsııa júrgizýshileri – ózge ult balalary. Atalǵan jumysqa jasy úlken aǵa býyn ókilderi belsendi qatysty. Nemereleriniń qyzyqty jetistikterine ata-ájeleri de tánti bolǵany anyq. «Biz jádigerlerdi daıyndaýǵa rızashylyǵymyzben qatystyq. «Qazaq qyzynyń áshekeı buıymdary qandaı bolǵanyn bilý úshin, balalarmen birge ólketaný murajaıyna jáne kitaphanaǵa bardyq. Mundaı jumys balalardy damytady, otbasymyzǵa qýanysh, birlik syılaıdy», - deıdi Jejera Marııa men Makardyń anasy. Ashylǵaly kezden bastap shaǵyn murajaıdy úsh top kórip úlgerdi. Balalar kórmeni tamashalap, baýyrsaq pen qurttyń, baska da ulttyq taǵamdardyń dámin de tatty. Pavlodar qalasynyń №21 sábıler baqshasynda 10 top jumys jasaıdy, onyń ishinde 5 topta oqý-tárbıe qyzmeti memlekettik tilde júrgiziledi. Barlyq balalar men ata-analar murajaı jádigerlerimen tanysyp, qazaq halqynyń tarıhy men mádenı murasyna ózderiniń etene qatysty ekenin sezinýge múmkindikteri bar. Balabaqshada 251 bala orynmen qamtamasyz etilgen. Atalǵan sábıler baqshasy Respýblıkalyq «Balapan» baǵdarlamasy boıynsha qaıta turǵyzylyp, 2010 jyldyń 16 jeltoqsanynda iske qosyldy. Bıylǵy jylda atalmysh mektepke deıingi bilim berý mekemesi óziniń jetijyldyq mereıli toıyn qazaq mádenıetiniń shaǵyn murajaıymen qarsalýda.
Tolyǵyraq: https://egemen.kz/article/162018-pavlodarda-balabaqshada-murazhay-ashyldy
