Pavlodar qalasynyŋ № 21 säbiler baqşasynda «Ruhani jaŋǧyru» baǧdarlamasy aiasynda qazaq halqynyŋ tarihy men mädenietı, tūrmys-tırşılıgı men salt-dästürlerıne arnalǧan şaǧyn mūrajai aşyldy.
Jobanyŋ maqsaty – halqymyzdyŋ tarihi-mädeni mūrasymen tanystyra otyra, mektepke deiıngı tärbielenuşılerımızge patriottyq tälım-tärbie berudegı tiımdı ädıs-täsılderdı damytu. №21 säbiler baqşasynyŋ basşysy Svetlana Bertybaevanyŋ sözıne qaraǧanda, mūrajai aşudy būrynnan közdegen eken. Halqymyzdyŋ mädenietı men tūrmysyn zertteu barysynda, jyl saiyn balalar ata-analarymen bırıgıp öz qoldarymen tūrmystyq zattar men qolöner tuyndylaryn jasaǧan. Qazaq tılı būryşy keŋeie bastaǧanda, mūrajai aşu oi paida boldy. «Mūrajai aşu – balalarǧa patriottyq tärbie beru boiynşa baǧytymyzdyŋ aitarlyqtai jalǧasy bolyp keledı. Jinalǧan materialdardy jüielep, joba boiynşa jūmysymyzdy jalǧastyrudamyz. Közdegen maqsattymyzdyŋ nätijesı de anyq. Mektep jasyna deiıngı balalar körnektı aqparatty negūrlym jaqsy qabyldaidy. Būl jerde jädıgerlerdı tek qana körmei, olardy qoldaryna ūstap, oinauylaryna da mümkındık bar», - deidı Svetlana Qabdolqyzy. Būl bastamany ata-analar da qūptap, balalar jäne tärbieşılermen bırıgeie otyra, mūrajai ekspozisiialary jasalǧan. Mūrajaidy tolyqtyru jūmysy jalǧasuda, degenmen «Kiız üi», «Ūlttyq kiım», «Ydys-aiaq», «Baskiımder», «Zergerlık būiymdar», «Tört tülık mal» şaǧyn ekspozisiialar körsetılude. Şaǧyn mūrajaida «Auyl» ekspozisiiasy erekşe oryn alady. Būl jerde kışıreitılgen mölşerde kiız üiler, altybaqandar, arba, üi januarlary , iaǧni qazaq auyldyŋ ömırı körınıs tapqan.Ülken kiız üidıŋ ışınde qūraq körpeler, sandyqtar, qamşy, qorjyn, besık, qazaq üstel – syndy tūrmys zattary köpşılıkke ūsynylǧan. Dastarhan basyna otyryp, bauyrsaq pen qūrttyŋ dämın de tatuǧa mümkındık bar. Sonymen qatar «Arqan tartys», «Asyq atu», basqa da ūlttyq oiyndar oinauǧa bolady. Osynyŋ barlyǧyn balalar ata-analarymen bırıgıp jasaǧan. Eksponattardy jasau üderısı balalar men ata-analardy aitarlyqtai qyzyqtyrǧany sonşa, keibır ata-analar şamalarynşa zertteu jūmystarymen ainalysyp «Kiızüi», «Qyzdardyŋ äşekei būiymdary», «Kılem toqu», «Qoldanbaly aǧaş önerı» taqyryptary boiynşa jūmystar daiyndaǧan. Qazaq tılı oqytuşysy Äliia Jūmaǧülovanyŋ aituynşa, şaǧyn mūrajai jasau barysy oqu – tärbie jūmysyna oŋtaily septıgın tigızgenı anyq. «Sabaqta balalardyŋ belsendılıgı küşeiıp, jaŋa aqparattyq jaŋalyqtarmen tanysu barysynda, olardy san qyrly jaqtan zerttep bılu arqasynda qyzyǧuşylyqtary arta tüstı .Äsırese, balalar «ekskursiia jürgızuşı» siujettık-röldı oiyn oinaudy jaqsy köredı», - deidı Äliia Tölegenqyzy. Şaǧyn mūrajaiǧa keluşılerge ekskursiiany balalardyŋ özderı jürgızedı, onyŋ ışındegı jas ekskursiia jürgızuşılerı – özge ūlt balalary. Atalǧan jūmysqa jasy ülken aǧa buyn ökılderı belsendı qatysty. Nemerelerınıŋ qyzyqty jetıstıkterıne ata-äjelerı de täntı bolǧany anyq. «Bız jädıgerlerdı daiyndauǧa rizaşylyǧymyzben qatystyq. «Qazaq qyzynyŋ äşekei būiymdary qandai bolǧanyn bılu üşın, balalarmen bırge ölketanu mūrajaiyna jäne kıtaphanaǧa bardyq. Mūndai jūmys balalardy damytady, otbasymyzǧa quanyş, bırlık syilaidy», - deidı Jejera Mariia men Makardyŋ anasy. Aşylǧaly kezden bastap şaǧyn mūrajaidy üş top körıp ülgerdı. Balalar körmenı tamaşalap, bauyrsaq pen qūrttyŋ, baska da ūlttyq taǧamdardyŋ dämın de tatty. Pavlodar qalasynyŋ №21 säbiler baqşasynda 10 top jūmys jasaidy, onyŋ ışınde 5 topta oqu-tärbie qyzmetı memlekettık tılde jürgızıledı. Barlyq balalar men ata-analar mūrajai jädıgerlerımen tanysyp, qazaq halqynyŋ tarihy men mädeni mūrasyna özderınıŋ etene qatysty ekenın sezınuge mümkındıkterı bar. Balabaqşada 251 bala orynmen qamtamasyz etılgen. Atalǧan säbiler baqşasy Respublikalyq «Balapan» baǧdarlamasy boiynşa qaita tūrǧyzylyp, 2010 jyldyŋ 16 jeltoqsanynda ıske qosyldy. Biylǧy jylda atalmyş mektepke deiıngı bılım beru mekemesı özınıŋ jetıjyldyq mereilı toiyn qazaq mädenietınıŋ şaǧyn mūrajaiymen qarsaluda.
Tolyǧyraq: https://egemen.kz/article/162018-pavlodarda-balabaqshada-murazhay-ashyldy
