QR Premer-Ministrınıŋ orynbasary Eraly Toǧjanov «Qazaqstanda ündı ştamyna bailanysty lokdaun jariialanuy mümkın be?» degen sūraqqa jauap berdı, dep habarlaidy QazAqparat.
Eraly Toǧjanov QR Prezidentı janyndaǧy Ortalyq kommunikasiialar qyzmetınde tılşılerdıŋ sūraǧyna jauap berude.
«Bügıngı künı respublika aumaǧyna lokdaun engızuge bailanysty eş mäsele körıp otyrǧan joqpyz. Ol kün tärtıbınde de joq. Keşe vedomstvoaralyq komissiia otyrysynda Nūr-Sūltan qalasynda naqty şekteu şaralaryn qabyldadyq. Söz joq, onyŋ bärın aldyn alu şaralary dep aituǧa tolyq mümkındık bar. Onyŋ ışınde naqty obektıler men qyzmet körsetu salasyna, halyq köp jinalatyn sauda ortalyqtaryna bailanysty qandai şaralar qolǧa alynǧanyn özderıŋız estıdıŋdızder. Sondyqtan qazır osy şaralar ainalasynda jūmys ıstei beremız. Ärı qaraiǧy şeşım qabyldauymyz eldegı epidemiologiialyq jaǧdaiǧa bailanysty bolady», - dep jauap berdı Eraly Toǧjanov.Aita keteiık, 22 mausymda elordada koronavirustyŋ ündı ştammy anyqtaldy. Koronavirustyŋ «delta» ştammy joǧary jūqtyrǧyşqa ie jäne ştamm anyqtalǧan nauqastardyŋ 60 paiyzynda 7 künge deiıngı barynşa qysqa inkubasiialyq kezeŋımen erekşelenedı.
