Eger siz jaqyn arada saparǵa shyǵýdy josparlasańyz, onda bul maqala sizge arnalǵan! Munda biz saıahatshylarǵa arnalǵan ár túrli paıdaly keńestermen bólisetin bolamyz. Eger sen bizdiń keńesterimizdi sońyna deıin oqysań, onda óz saıahatyńdy barynsha jeńil jáne este qalarlyqtaı ete alasyń, al eń bastysy - kóptegen qıyndyqtar men jaǵymsyz jaǵdaılardan aýlaq bola alasyń.
Saıahatqa arnalǵan keńester:
1. Qala, aýyl nemese el bolsyn, sapardyń boljamdy orny týraly aqparatty zertteńiz. Saıahatqa shyqqanda jergilikti klımattyń ereksheligin, mádenıettiń erekshelikterin eskerý árqashan mańyzdy. Jergilikti turǵyndarǵa qolaısyzdyq týǵyzbaý jáne "mádenıetsiz sheteldik" bolyp kórinbeý úshin, atalǵan jerde qalaı kıiný kerektigin, qoǵamdyq oryndarda ózin qalaı ustaý kerektigin túsinýińiz qajet.
2. Ýaqyt aıyrmashylyǵyn anyqtańyz. Eger sizdiń baratyn jerińiz basqa ýaqyt beldeýinde bolsa, ýaqytsha aıyrmashylyq qansha saǵatty quraıtynyn bilińiz. Bul, ásirese, eger sende kelý áýejaıynda da transfer brondalǵan bolsa jáne belgilengen kezdesý ornyna belgili bir ýaqytqa kelýge úlgerý qajet bolsa, ýaqytyńyzdy únemdeıdi.
3. Árqashan qujattardy tekserińiz. Bul óte mańyzdy!
Birinshiden, barlyq jeke aqparatty (aty-jóni, týǵan kúni, nómiri jáne serııasy jáne t.b.) tólqujattarda, avıabıletterde, saqtandyrýda jáne bar bolǵan jaǵdaıda basqa qujattarda tekserińiz. Ushý/kelý kúni men ýaqytyn mindetti túrde tekserińiz. Muny saıahatty rásimdegennen nemese áýe bıletterin, turǵyn úıdi brondaǵannan keıin birden jasaǵan jón.
Ekinshiden, úıden shyqpas buryn, barlyq qujattar jıyntyǵy sómkede/qol júginde ekenine kóz jetkizińiz. Kenetten asyǵys umytylǵan pasportqa oralmaý úshin, áıtpese búkil saparǵa qaýip tónedi.
4. Uıaly telefonyńyzda saıahattaýdy jeńildetetin ár túrli qosymshalardy júktegenińizge kóz jetkizińiz. Saıahattaý kezinde olar sizdiń saıahattyńyzdy birshama jeńildetedi.
5. Ózińizben kóp nárse almańyz. Tek eń qajet nárseni alyńyz. Rıýkzagyńyzǵa artyq nárse salmaý úshin tek qajetti zattardyń egjeı-tegjeıli tizimin jasańyz.
Adema Kadylbekova
