Sátti saıahattyń 12 qaǵıdasy

2825
Adyrna.kz Telegram
foto ashyq aqparat kózinen alyndy
foto ashyq aqparat kózinen alyndy

Jaz – álemge qulash sermep, saıahattaıtyn jaıdarly mezgil. Saıahatty súıetinder demalý úshin dál osy mezgildi qolaıly kóredi. Sebebi jaz - jaǵajaı jandanyp, tabıǵat túleıtin kórikti kezeń. Alaıda demalystan tolyqtaı emoıonaldy estetıkalyq lázzat alý úshin ózindik erejelerdi este tutqan abzal. Jaqyn arada saıahattaýdy josparlap júrseńiz, áýeli júrek únine qulaq asyńyz. Janyńyz shytyrmanǵa toly toptyq, aktıv saıahatty unata ma, álde, oıyńyzdy rettep, maqsattaryńyzdy aıqyndap kelýge yqpal etetin passıv demalys qajet pe? Tańdaý- talǵam erkińizde.

Endeshe, shartarapty sharlap, týrızm jolynda tolysqan frılanserlerdiń saıahattaý barysynda ustanatyn alǵysharttaryn aldyńyzǵa usynamyz.

  1. Jol qamyna kirispes buryn demalystyń ár kúnin egjeı-tegjeıli josparlańyz! Sonda, úıińizge oralǵanda belgilegen mejelerdi kórip-tanyp, "úlgermedim" degen ókinishke oryn qalmaıdy.
  2. Saıahat – tosyn sıtýaııalarǵa toly bolady. Sondyqtan barlyq ýaqytta senimdi serik etip, ıntýııańyzǵa qulaq asyńyz.
  3. Baratyn eldiń, qalanyń valıýtalyq kýrsyn, mentalıtetin tereń zerttep, geografııalyq kartasyn, baǵyt beretin arnaıy platformalardy telefonyńyzǵa júktep alyńyz. (Máselen, TravelSIM, Kaspi.kz, aýdarma jasaıtyn qosymshalar sheteldegi jumysyńyzdy jeńildetedi.)
  4. Ózińizge beıtanys jerge saıahattar bolsańyz, ol orynnyń erekshelikterin ekshep, jolǵa kúndiz shyǵyńyz.
  5. Jol sómkeńizdi qoldanbaıtyn zattar men kımeıtin kıimderge toltyrmańyz.
  6. Taban tiregen elińizdiń dinı senimderine qurmetpen qarap, jergilikti telearnalardan turǵylyqty oryndaǵy jańalyqtardan habardar bolyńyz.
  7. Baratyn elińizdiń qoldanystaǵy tilin jazbaı taýyp, saıahat aıasynda eń jıi qajet bolatyn sózderdi jattap alǵanyńyz jón.
  8. Bastysy, jańa ashylýlar men tanystyqtarǵa ashyq bolyńyz.
  9. Áserli saıahatyńyzdyń ár sáti jadyńyzda jattalǵanyn qalasańyz, qarbalas saıahat kezeńinen az saıabyr taýyp kúndelik júrgizińiz.
  10. Demalysyńyzdyń bir kúnin ekstrımaldi týrızmge arnaıtyn bolsańyz, qonaq úı nomerine qaıda, kimmen bara jatqanyńyz týraly aqparat qaldyryp ketkenińiz durys.
  11. Keleńsiz oqıǵalar men ózge týrısterdiń keıbir qylyqtaryna kóńil-kúıińizdi qurtýǵa jol bermeńiz! Árdaıym pozıtıvti oı -demalysyńyzdyń áserli ótetinine kepildik!
  12. Jadyńyzda jattaıtyn sońǵy ereje eldegi jaqyndaryńyzben baılanysty úzbeńiz.

Sondaı-aq bir barǵan elińiz kóńilińizden shyǵyp, qanshalyqty unap qalsa da, kelesi joly saıahatyńyzdyń baǵytyn basqa jaqqa buryńyz. El aralap, jer kórýdiń altyn qaǵıdasy kóńil kókjıegin keńitip, tanym-túsinigińizdi tolystyrý. Oıly oqyrman, joǵaryda usynǵan keleli keńesterdi demalysyńyzdyń basty ustanymyńyz etseńiz, utylmasyńyz anyq! Qashanda saparyńyz sátti, jolyńyz ashyq bolsyn!

                                                                                                      Dana Jobalaeva

Pikirler