2021 jyly azamattary Qazaqstanǧa vizasyz kıre alatyn elderdıŋ tızımın 90-ǧa deiın köbeitu josparlanyp otyr. Būl turaly mädeniet jäne sport ministrıŋ orynbasary Ǧabidulla Äbdırahymov aitty, - dep habarlaidy «Adyrna» tılşısı Kaz.tengritravel.kz-ke sılteme jasap.
Sonymen qatar, ol vedomstvo ainalysyp jatqan taǧy bırneşe jobalar jaiynda aitty. Bırınşı - şeteldıkter üşın vizasyz kıru (būl elektrondy vizany alu prosesın jeŋıldetu üşın qajet). Ekınşısı E-Qonaq jüiesımen bailanysty joba, sonyŋ arqasynda şeteldıkterge tırkelu üşın auyr prosesten ötudıŋ qajetı joq.
"Sondai-aq, bız qazırdıŋ özınde pilottyq rejimde 160 qonaqüide jüienı engızudı aiaqtadyq. Osy jüienıŋ arqasynda kez kelgen şeteldık turist bölek tırkeludıŋ qajetı joq. Şeteldık azamat qonaqüige kırgen kezde avtomatty türde ötıp qoiady", - dedı spiker Mädeniet jäne sport ministrlıgınıŋ alqa otyrysynda.Qazır 105 memlekettıŋ azamattary üşın Qazaqstanǧa elektrondy vizalar engızıldı.
"30 künge deiıngı merzımge kelgen kezde şeteldıkterdı tırkeu toqtatyldy jäne köşı-qon kartochkalary da joiyldy. Şekaradaǧy ötkızu punktterın jaŋǧyrtu bastaldy. Sondai-aq, bız şeteldık äuekompaniialardyŋ elımızdıŋ 11 qalasyna ūşyp kelıp, jolauşylardy alyp ketuı üşın olardy ıske qosudy bastadyq (Open Sky rejimı)", - dep eske saldy Äbdırahymov.
«Adyrna» ūlttyq portaly
Ūqsas jaŋalyqtar
