Týrızm - bul jergilikti jáne sheteldik týrısterdi tartýǵa jáne olarǵa qyzmet kórsetýge baǵyttalǵan salalar men is-sharalar kesheni.
Memleket úshin týrızm salasynyń damýy asa mańyzdy. Sebebi memleketke týrısterdi tartý, ádemi nysandardy qoldaý - memleket tarıhynyń damýyna, eldiń ishki-syrtqy saıasatyna tikeleı áser etedi.
Eldegi týrızmniń mańyzdy aspektilerine týrıstik ınfraqurylym, tabıǵı jáne mádenı resýrstar, týrıstik is-sharalar men qonaqjaılylyq, kóliktik ınfraqurylym men ekonomıkalyq áseri jatady.
Týrıstik ınfraqurylym - jaıly turý men demalýdy qamtamasyz etetin túrli qonaq úı keshenderiniń, meıramhanalardyń, kólik quraldarynyń, oıyn-saýyq ortalyqtarynyń jáne basqa da obektilerdiń bolýy. Iaǵnı, elge kelgen sheteldik týrıster ne bolmasa jerlester óz Otanynyń tarıhymen jaqyn tanysýy úshin jaqsy jaǵdaı jasalýy tıis. Osy tusta óńirlik ákimdikter men mınıstrlikten birqatar baǵdarlamalar uıymdastyrylyp, jaǵdaı jasalýda.
Tabıǵı jáne mádenı resýrstar - tartymdy tabıǵı sulýlyq, mádenıet jáne tarıh eskertkishteri, ulttyq saıabaqtar, murajaılar, teatrlar jáne týrısterdi tartýdyń ortalyq nysandaryna aınalatyn basqa da kórnekti oryndar. Qazaqstan Respýblıkasy Mádenıet jáne aqparat mınıstrligi tarapynan birneshe tarıhı nysandar memleket menshigine ótip, týrısterdiń qatynaýy úshin jaǵdaılar jasalýda.
Arnaıy kezeń saıyn uıymdastyrylyp otyratyn týrıstik is-sharalar men festıvaldar – týrızm salasyn odan ári damytýda. Memlekettik, halyqaralyq jıyndar arqyly eldiń atyn tek shekaraǵa deıin emes, álemge tanytýǵa kóptegen múmkindikter qarastyrylyp keledi.
Týrızm dese eń áýeli transport eske túsetini de jasyryn emes. Kólik ınfraqurylymynyń damýy - saıahat yńǵaılylyǵy, sonyń ishinde avtomobıl, temirjol jáne áýe joldarynyń damyǵan jelisi. Elimizdiń túrli týrıstik ortalyqtaryna áýe, sý, qurlyq arqyly jetýge múmkindik bar.
Qazaq halqy – eń qonaqjaı halyq. Qonaqjaılylyq jáne qyzmettiń bolýy Qazaqstanǵa kelýshiler úshin jaǵdaı jasaý arqyly dostyq qabyldaý jáne qyzmet kórsetýdiń joǵary deńgeıin tanytady.
Qazaqstandaǵy týrızm ol tabıǵı sulýlyqty, mádenı murany, tarıhı eskertkishter men qazirgi zamanǵy qalalardy qamtıtyn alýan túrli baǵyt bolyp tabylady.
Týrızm eldiń ekonomıkalyq damýyna, jańa jumys oryndaryn qurýǵa, mádenı almasýǵa jáne álemdik arenada oń ımıdjdi qalyptastyrýǵa yqpal etedi. Degenmen, týrızmniń sátti damýy tabıǵatty saqtaý jáne jergilikti dástúrlerdi qurmetteý úshin ekologııalyq jáne áleýmettik-mádenı aspektilerdi eskerýdi talap etetinin de esten shyǵarmaǵan jón.
