Turizm - būl jergılıktı jäne şeteldık turisterdı tartuǧa jäne olarǧa qyzmet körsetuge baǧyttalǧan salalar men ıs-şaralar keşenı.
Memleket üşın turizm salasynyŋ damuy asa maŋyzdy. Sebebı memleketke turisterdı tartu, ädemı nysandardy qoldau - memleket tarihynyŋ damuyna, eldıŋ ışkı-syrtqy saiasatyna tıkelei äser etedı.
Eldegı turizmnıŋ maŋyzdy aspektılerıne turistık infraqūrylym, tabiǧi jäne mädeni resurstar, turistık ıs-şaralar men qonaqjailylyq, kölıktık infraqūrylym men ekonomikalyq äserı jatady.
Turistık infraqūrylym - jaily tūru men demaludy qamtamasyz etetın türlı qonaq üi keşenderınıŋ, meiramhanalardyŋ, kölık qūraldarynyŋ, oiyn-sauyq ortalyqtarynyŋ jäne basqa da obektılerdıŋ boluy. Iаǧni, elge kelgen şeteldık turister ne bolmasa jerlester öz Otanynyŋ tarihymen jaqyn tanysuy üşın jaqsy jaǧdai jasaluy tiıs. Osy tūsta öŋırlık äkımdıkter men ministrlıkten bırqatar baǧdarlamalar ūiymdastyrylyp, jaǧdai jasaluda.
Tabiǧi jäne mädeni resurstar - tartymdy tabiǧi sūlulyq, mädeniet jäne tarih eskertkışterı, ūlttyq saiabaqtar, mūrajailar, teatrlar jäne turisterdı tartudyŋ ortalyq nysandaryna ainalatyn basqa da körnektı oryndar. Qazaqstan Respublikasy Mädeniet jäne aqparat ministrlıgı tarapynan bırneşe tarihi nysandar memleket menşıgıne ötıp, turisterdıŋ qatynauy üşın jaǧdailar jasaluda.
Arnaiy kezeŋ saiyn ūiymdastyrylyp otyratyn turistık ıs-şaralar men festivaldar – turizm salasyn odan ärı damytuda. Memlekettık, halyqaralyq jiyndar arqyly eldıŋ atyn tek şekaraǧa deiın emes, älemge tanytuǧa köptegen mümkındıkter qarastyrylyp keledı.
Turizm dese eŋ äuelı transport eske tüsetını de jasyryn emes. Kölık infraqūrylymynyŋ damuy - saiahat yŋǧailylyǧy, sonyŋ ışınde avtomobil, temırjol jäne äue joldarynyŋ damyǧan jelısı. Elımızdıŋ türlı turistık ortalyqtaryna äue, su, qūrlyq arqyly jetuge mümkındık bar.
Qazaq halqy – eŋ qonaqjai halyq. Qonaqjailylyq jäne qyzmettıŋ boluy Qazaqstanǧa keluşıler üşın jaǧdai jasau arqyly dostyq qabyldau jäne qyzmet körsetudıŋ joǧary deŋgeiın tanytady.
Qazaqstandaǧy turizm ol tabiǧi sūlulyqty, mädeni mūrany, tarihi eskertkışter men qazırgı zamanǧy qalalardy qamtityn aluan türlı baǧyt bolyp tabylady.
Turizm eldıŋ ekonomikalyq damuyna, jaŋa jūmys oryndaryn qūruǧa, mädeni almasuǧa jäne älemdık arenada oŋ imidjdı qalyptastyruǧa yqpal etedı. Degenmen, turizmnıŋ sättı damuy tabiǧatty saqtau jäne jergılıktı dästürlerdı qūrmetteu üşın ekologiialyq jäne äleumettık-mädeni aspektılerdı eskerudı talap etetının de esten şyǧarmaǧan jön.
Ūqsas jaŋalyqtar
