Júz teńgeniń jyry Almatyda taǵy jalǵasty. Bul joly daý «Baqorda» saýda kesheninde týyndady. Avtoturaqqa kireberiste turǵan jigitter júrgizýshiden 200 teńge talap etken. Onyń sebebi termınaldyń isten shyǵýymen baılanystyrǵan. Degenmen júrgizýshi 100 teńge tólegenin aıtyp, qondyrǵynyń isten shyǵýy ózderiniń máselesi ekenin jetkizedi. Osy kezde ereges týyndap, aqsha alyp turǵyn jigitterdiń biri bylapyt sózder aıtyp, qol jumsaýǵa tyrysqan. Janjaldyń vıdeosy áleýmettik jelige jarııalandy. Polıııa oqıǵanyń Alataý aýdanyndaǵy bazarlardyń birinde bolǵanyn rastady. Janjaldasqandardy da anyqtaǵan. Biraq taraptar aryz jazýdan bas tartypty. Bul týraly «Adyrna» ulttyq portaly «Eýrazııa» birinshi arnasyna silteme jasap habarlaıdy.
Esterińizge sala ketsek, 30 naýryz kúni dál osyndaı oqıǵa «Altyn orda» bazarynda tirkelgen bolatyn. Onda júrgýzishi men aqsha jınaıtyn azamat 100 teńge úshin janjaldasyp, sońy tóbelespen aıaqtalǵan bolatyn. Bir birine qarsy shaǵym túsirgen taraptar artynsha tatýlasyp tarqasqan edi.
"Adyrna" ulttyq portaly
