Şymkent qalasy äkımınıŋ ökımımen Bauyrjan Qalmūhamedūly Tūmanbaev qalalyq dene şynyqtyru jäne sport basqarmasynyŋ basşysy bolyp taǧaiyndaldy.
Bauyrjan Qalmūhamedūly 1974 jyly Oŋtüstık Qazaqstan oblysynda düniege kelgen. Bılımı – joǧary, mamandyǧy - dene tärbiesı pänınıŋ oqytuşysy jäne sport jattyqtyruşysy, memlekettık basqaru bakalavry. Erkın küresten QR Eŋbegı sıngen jattyqtyruşy.
Qyzmet joly 1991 jyly №1 balalar men jasöspırımder sport mektebınıŋ jattyqtyruşysy boludan bastalǧan. Keiınnen türlı jyldar aralyǧynda Sairam audandyq bılım beru jäne sport bölımınde bölım meŋgeruşısınıŋ orynbasary, bölım basşysy, OQO sport bölımınıŋ basşysy bolǧan. 2013-2017 jyldary OQO dene şynyqtyru jäne sport basqarmasy basşysynyŋ orynbasary lauazymynda jūmys jasady.
2017 jyly OQO jekpe-jek sport türlerınen olimpiada rezervınıŋ mamandandyrylǧan balalar-jasöspırımder sport mektebınıŋ direktory, 2018 Şymkent qalasynyŋ Olimpiada rezervın daiarlau ortalyǧynyŋ direktory.
2020 jyldan bügınge deiın Şymkent qalasynyŋ dene şynyqtyru jäne sport basqarmasy basşysynyŋ orynbasary qyzmetın atqaryp keldı.
Şymkent qalasy äkımdıgınıŋ baspasöz qyzmetı
