Elımızde qalqanşa bez obyryn emdeuge arnalǧan preparat şyǧaryla bastady dep habarlaidy "Adyrna" ūlttyq portaly QR Energetika ministrlıgınıŋ baspasöz qyzmetıne sılteme jasap.
22 mausymda «Iаdrolyq fizika instituty» respublikalyq memlekettık käsıpornynda qalqanşa bez obyryn qosa alǧanda, qalqanşa bez aurularyn emdeu üşın natrii iodid (131I) radiofarmpreparatynyŋ bırınşı önerkäsıptık partiiasy jasaldy. Būl preparat QR Densaulyq saqtau ministrlıgınde «natrii iodidı 131I, ışuge arnalǧan erıtındı» atauymen därılık zat retınde tırkelgen.
24 mausymda preparat Semei qalasyndaǧy Iаdrolyq medisina jäne onkologiia ortalyǧynyŋ alǧaşqy pasientterıne jetkızıldı. Aǧzanyŋ patologiialyq oşaǧynda natrii iodidı (131I) radiofarmpreparatynyŋ taŋdamaly jinaluynyŋ arqasynda qorşaǧan tınderdı saqtai otyryp, obyr kletkalary joiylady.
Iаdrolyq fizika institutynda (Almaty q.) radiofarmasevtikalyq preparattar jasau tarihy 1986 jyldan bastalady. Däl osy jyly KSRO-da miokard infarktısın aldyn ala diagnostikalau üşın Tallii-201 izotopy bar preparattyŋ alǧaşqy öndırısı ūiymdastyryldy.
Qazaqstan täuelsızdık alǧannan keiın adamnyŋ barlyq organdarynyŋ aurularyn diagnostikalau üşın keŋınen qoldanuǧa bolatyn Tehnesiia-99m öndırısı jolǧa qoiyldy. Qazırgı zamanǧy densaulyq saqtau jüiesınde būl izotoptyŋ ülesıne barlyq radionuklidtık räsımderdıŋ 80%-dan astamy tiesılı.
Al 2011 jyly Iаdrolyq fizika instituty tehnesiia generatorlaryn tırkedı jäne ekı apta boiy jūmys ısteitın jäne eldıŋ kez kelgen öŋırıne jetkızıluı mümkın yqşam tasymaldanatyn generatorlardy öndırudı bastady.
Radionuklidtık diagnostikany qoldana otyryp, qaterlı ısıkterdı damudyŋ eŋ erte satysynda anyqtauǧa bolatyndyǧyn atap ötken jön, būl qaterlı ısık auruynan bolatyn ölımdı jäne nauqastarda qaitalanu sanyn edäuır azaitady.
Generatordyŋ konstruksiiasyn jasau boiynşa jūmystar 2014 jäne 2015 jyldary «Jyl önertabysy», «Şapaǧat» respublikalyq konkurstarynda ekı märte jeŋıske jettı.
"Adyrna" ūlttyq portaly.
