Japonııa siz ben bizdi tań qaldyrýdan sharshaǵan emes. Jer júzin óz tehnologııasymen jaýlap alǵan kúnshyǵys eli ókilderi endi ǵarysh keńistigin baǵyndyrýǵa umtylmaq. Bul jolǵy eldi eleń etkizgen jańalyq aıǵa saıahattaýdy josparlaǵan robot týraly bolmaq.
JAXA Japon ǵarysh agenttigi Sony kompanııasymen jáne Doshisha, Tomy ýnıversıtetterimen birigip, shar tárizdes robotty qurastyrýdy bastaǵan. Jospar boıynsha robot aıǵa 2029 jyly jol tartpaq. Onyń basty maqsaty-aıdyń topyraǵyn zertteý. Sony kompanııasy robotty basqarýdyń birneshe tásilderin usynsa, Tomy men Doshisha kompanııalary quyrlyǵyń dızaınymen shuǵyldanbaq.
Robot aıǵa qonǵan ýaqytqa deıin shar tárizdes formada bolsa, qonǵan sátten bastap óz formasyn ózgertip aıdyń betin, topyraǵyn sýretke túsiredi. Jerdiń tabıǵı serigin zertteý maqsatynda bul qurylǵy adamzat ǵylymyna úlken jańalyq bolǵaly tur,-deıdi japon ǵarysh agenttigi ókilderi. Alǵashqy tájirıbeler iske asqan jaǵdaıda robot tek aıǵa ǵana emes ózge de ǵalamsharlarǵa saparǵa shyqpaq. BAQ habarlaýynsha qurylǵymen jumys 2019 jyldary bastaý alǵan.
Qýandyq Kórgenov
