Päterın «Kvikfos» himiialyq preparatymen dezinfeksiialap, ekı adamnyŋ ölımıne sebepker boldy dep aiyptalǧan äieldıŋ ısıne qatysty sot ükımı şyqty. Körşılerın abaisyzda ulaǧan aqtaulyq tūrǧyn 6 jylǧa bas bostandyǧynan aiyryldy, dep habarlad, dep habarlady 31-arnanyŋ İnformbiuro aqparattyq baǧdarlamasy.
Oqiǧa aqpan aiynda Aqtaudaǧy köpqabatty tūrǧyn üidıŋ bırınde bolǧan. Üiındegı ziiankes jändıkterdı ulamaq bolmaǧan kelınşek körşılerıne eskertpesten «Kvikfos» uly preparatymen dezinfeksiia jasaǧan. Keiın özı üiın qūlyptap, syrtqa şyǧyp ketken. Sonyŋ kesırınen uly iıs özge pätrlerge tarap, körşı üidegı 10 ailyq säbi men onyŋ 29 jastaǧy anasy köz jūmǧan bolatyn.
Himiialyq preparattan ulanǧan taǧy bes bala auruhuanaǧa jetkızılıp, 68 jastaǧy äiel men 34 jastaǧy er adam jansaqtau bölımıne tüsken edı.
Qaiǧyly oqiǧadan soŋ küdıktı qamauǧa alynyp, ıstı bolǧan. Sottaluşy kınäsın ışınara moiyndap, marqūmdardyŋ tuystarynan keşırım sūrady.
«Uly preparat körşılerıne, sol üidıŋ tūrǧyndarynyŋ päterıne taralyp, 10 ailyq säbi men onyŋ anasy köz jūmdy jäne bırneşe tūrǧyn reanimasiiaǧa tüstı. Sot ükımımen atalǧan azamatşa Qazaqstan Respublikasy Qylmystyq kodeksınıŋ 304-baby 3-bölıgı boiynşa kınälı dep tanylyp, oǧan 6 jyl merzımge bas bostandyǧynan aiyru jazasy taǧaiyndaldy», - dedı Maŋǧystau oblystyq sotynyŋ resmi ökılı Gauhar Nūrhanova.
