Elımızde kırıster, biudjet kreditterın öteu somalary, memlekettıŋ qarjy aktivterın satudan tüsken tüsımder, qaryzdar tüsımı jalpy biudjettıŋ tüsımderı bolyp tabylady.
Şymkent qalasy biudjetınıŋ özındık kırısınıŋ basym bölıgın salyqtyq tüsımder qūraidy. Kırıster soŋǧy eseptı bes jylda, atap aitqanda, 2016-2020 jyldar aralyǧynda 53,7 mlrd. teŋgeden 145,3 mlrd. teŋgege, iaǧni 2,7 esege ūlǧaiǧan. Mūny Şymkent kalasynyŋ ekonomika jäne biudjettık josparlau basqarmasynyŋ basşysy R.Mülkemanov «instagram» jelısındegı tıkelei efir barysynda baiandady.
Sala basşysynyŋ aituynşa, dinamikalyq ūlǧaiudyŋ qarqyny qalanyŋ respublikalyq maŋyzy bar statusyn alǧannan keiıngı jyldarda baiqalyp otyr. Osy jyldyŋ özınde kırıs kölemı 124,1 mlrd. teŋge bolyp bekıtıldı. Onyŋ ışınde: salyqtyq tüsımder 122,5 mlrd. teŋge, salyqtyq emes tüsımder 0,6 mlrd. teŋge, negızgı kapitaldy satudan tüsetın tüsım 1 mlrd. teŋge.
Basqarma tarapynan qala biudjetınıŋ kırıs közderıne egjei-tegjei taldau jūmystaryn jürgızu nätijesınde 28,3 mlrd. teŋge qosymşa kırıs közderı anyqtalyp, 2021 jyldyŋ nauryz aiyndaǧy qalalyq biudjettı naqtylau barysynda özındık kırıs kölemı 152,4 mlrd. teŋgenı qūrap, 22,8% ūlǧaidy.
Şymkent qalasy äkımdıgınıŋ baspasöz qyzmetı
