Ömırde adam taŋǧalarlyq oqiǧalar köp bolady. Juyrda Qyzylorda oblysynyŋ tūrǧyny būryn ajyrasqan äielın qaitadan alyp qaşyp, dürkıretıp toi jasady. Būl jaǧdai jūrtty eleŋ etkızse de, dumanǧa jinalǧan köpşılık jastarǧa baqyt tıledı, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Jaziranyŋ jasy biyl 34-ke toldy. Osydan tura on jyl būryn alǧaş ret tūrmysqa şyǧyp, süiıktısımen nekesın qidyrǧan. Küieuı Abzal ekeuı bır mekteptıŋ tülekterı, bır-bırın jaqsy tanidy. Qaladan oqu bıtırıp kelgen jastar, otbasyn qūryp, jaŋa ömırdı bırge bastauǧa şeşım qabyldaǧan. Bolaşaq qūdalar dereu toiǧa daiyndalyp, quanyşty kündı laiyqty atap ötuge kırısıp ketken.
«Abzal - bır otbasynyŋ jalǧyz ūly, ata-anasynyŋ ümıtın arqalaǧan azamat. Men jarymnyŋ rizaşylyǧyn alu üşın, ata-anasynyŋ köŋılın tabuym kerek ekenın jaqsy tüsındım. Kelın bolyp tüsken künnen bastap, üidıŋ şaruasyn jaqsy jürgızuge tyrystym. Siyr sauyp, airan pısudı, qūrt daiyndaudy üirendım. Özım auyl äkımşılıgınde esepşı bolyp jūmys ta jasadym. Abzal mal şaruaşylyǧymen ainalysyp, ırı qarany bordaqylaudy käsıp ettı. Tūrmysymyz jaqsy boldy, üiımızden qonaq arylmaityn», - dep äŋgımesın bastady jas kelınşek.Araǧa bır jyl salyp Jaziranyŋ aiaǧy auyrlap, düniege qyz bala äkelgen. Ata-äjesı nemerelı bolǧandaryna quanyp, auyl tūrǧyndary dübırletıp toi da jasaǧan. Keiın köp ūzamai, jas otbasynda taǧy bır qyz düniege kelıptı. Alaida būl joly ene men kelın arasyndaǧy qarym-qatynas būzylyp, jiı janjal tuyndaityn bolǧan.
«Enem «nege qyz tua beresıŋ» dep ūrysatyn boldy. Bala Allanyŋ bergenı ǧoi. Ūl bola ma, qyz bola ma maǧan bailanysty emes qoi. Men osyny tüsındıre almadym. Ekınşı ret bosanǧannan keiın, densaulyǧymdy jöndeu üşın saqtanatyn boldym. Janūiamyzdaǧy jaǧdai da basylǧanyn qaladym. Qanşa tyryssam da, enemnıŋ qabaǧy bır jylymady. Ūrysqa syltau ızdeitındı şyǧardy. Qyzdaryma jekıp söileitını janyma batatyn», - deidı Jazira.Otbasylyq janjal kezınde Jaziranyŋ küieuı anasyn jaqtap, äielın qoldamaǧan eken. Būl jaǧdai jas kelınşektıŋ janyna qatty batqanyn aitady. Osydan üş jyl būryn qyzylordalyq äiel alǧaş ret balalaryn alyp, törkınıne ketıp qalǧan. Abzal toqta dep te aitpaǧan körınedı. «Anama qarsy söiledıŋ» dep jūbaiyn aiyptap, balaǧat sözder aitypty.
«Sol künı törkınıme jylap barǧanym älı esımde. Janymdaǧy ekı qyzym da jylap tūrdy. Bıraz uaqytqa deiın Abzaldy kütkenım ras. Enem ekeuı kelıp, üige alyp ketedı dep oiladym. Bıraq küieuım menıŋ telefonyma da qoŋyrau soqpai qoidy. Ara-arasynda aqşa salyp jıberıp tūrdy. Jaǧdai özgermegendıkten, men de ajyrasuǧa aryz tastap sotqa jügındım. Zaŋ boiynşa nekemız būzylyp, ekeumız ekı jaqqa kettık. Men qalaǧa jūmysqa tūryp, päter jaldadym. Anam balalarǧa qarauǧa kömektesıp jürdı», - deidı keiıpkerımız.Arada bırneşe ai ötkennen keiın, Abzal Jaziraǧa habarlasyp, balalarymen kezdeskısı keletının aitqan. Jas kelınşek qyzdaryn äkesıne tapsyryp jıbergen. Sol uaqyttan bastap būryŋǧy küieuı jiı kelıp, janūiasynyŋ janynan tabylatyn bolǧan. Sözınşe, būrynǧy erlı-zaiyptylardyŋ sezımı qaita oianǧan. .
«Abzal ata-anasynyŋ rūqsatyn alyp, qalaǧa köşıp kettı. Auyldaǧy käsıbın ınılerıne tapsyrdy. Būrynǧydai bırge ömır süretın boldyq. Otbasymyzben qaita qauyşqanyna quanyp jürdım. Balalarym da äkelerımen bırge baqytty boldy. Aqşamyzdy jiystyryp, özımızdıŋ baspanamyzdy aludy armandaityn boldyq. Bolaşaqqa degen josparlarymyz köp», - deidı jas kelınşek.Abzal Jazirany oida-joqta alyp qaşqan. Süiıktısınıŋ josparyn jas kelınşek müldem bılmegen. Dostarymen bırge äieldı kölıkke mıngızıp, auylǧa alyp ketken. Izderımen balalary da kelıp, toidyŋ qadırlı qonaǧy bolypty.
«Şynymdy aitsam, bastapqyda şoşyp kettım. Keiın Abzal maǧan qaitadan üilengısı keletının aitty. Auyldaǧy üide kädımgıdei toi boldy. Tıptı «Betaşar» jasaǧylary da kelıptı. Bıraq ekı balasy bar kelınşektıŋ betı aşylmaityny belgılı ǧoi. Enemmen de qazır ara-qatynasymyz äldeqaida jaqsy. Şamaly uaqyt auylda bolamyz dep şeştık. Ata-äjesı de nemerelerın qatty saǧynǧan. Būl joly baqytymyz baiandy bolady dep senemın», - deidı Jazira.
"Adyrna" ūlttyq portaly
