Qūqyq qorǧau organdarynyŋ būrynǧy qyzmetkerı būrynǧy äielın sotqa berıp, BAQ-ta jariialanǧan aqparatty jaramsyz dep tanudy sūrady, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Byltyr poliseidıŋ būrynǧy äielı Äsel basylym jurnalisterıne alty jyl boiy küieuınen körgen qorlyǧy jaily aityp edı.
Material BAQ-ta jariialanǧannan keiın er adam būrynǧy äielın sotqa berdı jäne maqalanyŋ şyndyqqa janaspaitynyn mälımdedı. Ol äielden bır million teŋge talap ettı.
Sot prosesınde būrynǧy äielınen basqa, «Oral aptalyǧynyŋ» redaktory men jurnalisterı jauapker boldy.
Äieldıŋ advokaty talap qoiudan bas tartudy ötındı, öitkenı ūryp-soǧu faktısı ıs materialdaryna tırkelgen qūjattarmen rastaldy. Jurnalister men portal redaktory da sot ısınen bas tartudy sūrady. Sebebı olar jariialanǧan aqparat ras ekenıne senımdı boldy.
Oblystyq sottyŋ sudiasy Hatima Ersenova ıs materialdaryn zerttep, eks-poliseidıŋ aryzyn qanaǧattandyrmady. Negızı sot saraptamasy boldy, ol būrynǧy küieuı Äseldı ūrǧanyn rastady.
«Oǧan zatpen zaqym keldı, betı, arqasy jäne qoldary kögerdı, sonymen qatar saraptama jäbırlenuşınıŋ miy şaiqalǧanyn anyqtady», – dedı oblystyq sottyŋ sudiasy.Ersenova Äseldıŋ ötınışı boiynşa er adamǧa qatysty äkımşılık jäne qylmystyq ısterdı de zerttedı. Sot materialdardy qarau barysynda olarda sipattalǧan barlyq oqiǧalardyŋ oryn alǧanyn anyqtady. Būrynǧy polisiia qyzmetkerınıŋ talap aryzyn sot qanaǧattandyrusyz qaldyrdy. Sotta Äsel būrynǧy küieuı älı künge deiın ony qudalap, «öltıremın» dep qorqytqanyn atap öttı. Eske sala keteiık, būǧan deiın äiel äleumettık jelıde küieuı soqqyǧa jyqqannan keiıngı suretın jariialaǧan edı. Äsel küieuı bırınşı ret qyzy 4 ailyq bolǧan kezde qol kötergenın aitty. Äieldıŋ aituynşa, küieuı alty jyl boiy ūryp-soqqan. Äsel auruhanaǧa tüskennen keiın otbasyndaǧy zorlyq-zombylyq turaly aitudy jön sanady.
"Adyrna" ūlttyq portaly
