Qazaqstan Prezidentı Qasym-Jomart Toqaev jūbaiyn öltırgenı üşın sottalǧan ekıbastūzdyq Larisa Antoniukke raqymşylyq jasady, dep habarlaidy «Adyrna» ūlttyq portaly Polisia.kz saityna sılteme jasap.
Prezident Larisa Antoniuktıŋ raqymşylyq jasau turaly ötınışıne qol qoidy, endı äiel merzımınen būryn bosatylady.
Larisa Antoniuk 2011 jyly jūbaiyn öltırgenı üşın sottalǧan. Ony Türkımenstan soty 21 jylǧa bas bostandyǧynan aiyrǧan bolatyn. Taǧy 10 jyly qalǧan. Būǧan deiın bırneşe ret jazasyn jūmsartuǧa ötınış jazǧan, bıraq bärınde terıs jauap alǧan.
Larisa ol jıgıtpen Qazaqstanda tanysqan, keiın bıraz uaqyttan soŋ qarym-qatynasyn zaŋdastyrǧan. Üilengennen keiın jastar jıgıttıŋ tuǧan jerıne - Türıkmenstanǧa köşıp barady. Sottaluşynyŋ aituynşa, küieuınıŋ ata-anasy ony bırden qabyldamaǧan. Keiın ol jūbaiynyŋ esırtkıge täueldı ekenın bılgen. Er adam qarjylyq qiyndyqtarǧa tap bolyp, otbasy müşelerıne qol kötere bastaǧan, esırtkı alu üşın aqşa talap etken.
Larisa jūmysta jürgende balalardyŋ ömırı üşın ünemı qorqyp otyratynyn aitqan. Alaida bır künı janjal kezınde ol özın qorǧaimyn dep küieuın öltırıp alady. Larisa jergılıktı koloniiaǧa qamalyp, tört balasy balalar üiıne jıberıledı.
Keiın ol Qazaqstanǧa qaitarylady, onda ol Öskemennen 200 şaqyrym jerdegı äielder koloniiasynda jazasyn öteidı. Larisanyŋ äpkesı balalardy balalar üiınen alyp ketıp, qamqorlyǧyna aldy.
2020 jyldyŋ mamyrynda qylmystyq-atqaru jüiesınıŋ qyzmetkerlerı oǧan balalarymen videoqoŋyrau arqyly söilesuge mümkındık beredı, ol sol kezde 10 jylda alǧaş ret balalaryn kördı. Sottalǧan kezde balasy ekı jasta edı. Oǧan qamqorlyqty ülken qyzy aldy, qazır ol küieuımen kışkentailarǧa qaraidy, bärı bır şaŋyraq astynda tūrady.
«Mekeme qyzmetkerlerı qajettı materialdardy uaqytyly jinap, jıberdı. Qazaqstan Prezidentı Larisa Antoniukke raqymşylyq jasady. Sottaluşynyŋ merzımı 21 jyldan 16 jylǧa qysqartyldy. Ol tiıstı qūjatpen tanysty. Raqymşylyqqa bailanysty onyŋ resmi merzımı 2021 jyldyŋ şıldesınıŋ soŋynda aiaqtalady. Larisa jazasyn öteu kezınde özın jaqsy jaǧynan körsettı. Tıgın sehynda jūmys ısteidı. Barlyq mädeni ıs-şaralarǧa belsendı qatysady», - dep habarlady ŞQO boiynşa qylmystyq-atqaru jüiesı departamentınıŋ basşysy Janbolat Käletaev.
"Adyrna" ūlttyq portaly
