Qazaqstannyń Ulttyq Olımpıadalyq komıteti Tokıoda ótetin jazǵy Olımpıada oıyndarynda Qazaqstannyń olımpıadalyq quramasynyń formasyn tanystyrdy. Otandyq olımpıadashylar Olımpıada oıyndaryna qazaqstandyq jáne sheteldik mamandar arnaıy daıyndaǵan kıimmen attanady, dep habarlaıdy «Adyrna» ulttyq portaly.
"Salta" brendimen tanymal Saltanat Baımuhamedova olımpıadalyq kıimniń saltanatty formasynyń dızaıneri boldy. Qazaqstandyq sportshylarǵa arnalǵan sporttyq formany ıspandyq Joma kompanııasy jasady.
Tokıoǵa arnalǵan jıyntyqty daıyndaýda sportshylarǵa dızaın, matalar men tigin buıymdary boıynsha sheshýshi tańdaý berildi. Osy jyldyń qańtar aıynan bastap elimizdiń jetekshi sportshylary olımpıadalyq kıimdi tańdaýǵa arnalǵan saýalnamalar, prezentaııalar men kezdesýlerge qatysty.
"Árbir sportshy úshin Olımpıada oıyndary – bul sport mansabyndaǵy eń mańyzdy oqıǵa, armanǵa bastaǵan, uzaq jylǵa sozylǵan qajyrly jattyǵýdyń nátıjesi.
Olımpıadany keıinge qaldyrý, básekelestik tájirıbeniń bolmaýy, irikteý týrnırlerin keıinge qaldyrý nemese olardy kúntizbeden alynyp tastalýy syndy oqıǵalar byltyrdan beri Tokıo Olımpıadasy sheńberinde belgisizdik boldy. Búginde bizdiń mindetimiz – olarǵa barlyq jaǵynan, sonyń ishinde olımpıadalyq kıim sııaqty máselelerde barynsha qolaıly jaǵdaı jasaý. Sondyqtan 35 sportshydan turatyn komıssııa formany tańdaý quqyǵyn aldy jáne olar ózderi Tokıoda olarǵa kııýge ne yńǵaıly bolatynyn anyqtady, – dep pikir bildirdi Ulttyq Olımpıadalyq komıtet.
Olımpıadalyq kıim formasyna kejýal formatynda tańdalynǵan. Dızaıner kollekııanyń yńǵaılylyǵyna, beriktigine, shydamdylyǵyna kepildik beredi, sonymen qatar bul kıimderge kútim jasaý ońaı jáne myjylmaıdy dep atap ótti Olımpıada formasynyń dızaıneri Saltanat Baımuhamedova.
"Qazirgi zamanǵy matalardy jasaý tehnologııasy damydy, olardan jasalǵan zattar terige beıim, gıpoallergendi jáne jaqsy kórinedi. Sportshylar dál men usynǵan kıim formasyn tańdaǵanyna qýanyshtymyn. Olımpıadashylardyń tańdaýy meni shabyttandyrady. Olar Olımpıada aıaqtalǵannan keıin de bul formany kıgileri keletinin aıtty. Men bizdiń sportshylardyń Tokıoda progressıvti jáne zamanaýı bolyp kóringenin qaladym. Álemdik trendter men sportshynyń qalaýyn birge ushtastyryp, formany "sport-shık" formatyn usynǵym keldi", – dedi dızaıner.
"Adyrna" ulttyq portaly
