Qazaqstannyŋ Ūlttyq Olimpiadalyq komitetı Tokioda ötetın jazǧy Olimpiada oiyndarynda Qazaqstannyŋ olimpiadalyq qūramasynyŋ formasyn tanystyrdy. Otandyq olimpiadaşylar Olimpiada oiyndaryna qazaqstandyq jäne şeteldık mamandar arnaiy daiyndaǧan kiımmen attanady, dep habarlaidy «Adyrna» ūlttyq portaly.
"Salta" brendımen tanymal Saltanat Baimūhamedova olimpiadalyq kiımnıŋ saltanatty formasynyŋ dizainerı boldy. Qazaqstandyq sportşylarǧa arnalǧan sporttyq formany ispandyq Joma kompaniiasy jasady.
Tokioǧa arnalǧan jiyntyqty daiyndauda sportşylarǧa dizain, matalar men tıgın būiymdary boiynşa şeşuşı taŋdau berıldı. Osy jyldyŋ qaŋtar aiynan bastap elımızdıŋ jetekşı sportşylary olimpiadalyq kiımdı taŋdauǧa arnalǧan saualnamalar, prezentasiialar men kezdesulerge qatysty.
"Ärbır sportşy üşın Olimpiada oiyndary – būl sport mansabyndaǧy eŋ maŋyzdy oqiǧa, armanǧa bastaǧan, ūzaq jylǧa sozylǧan qajyrly jattyǧudyŋ nätijesı. Olimpiadany keiınge qaldyru, bäsekelestık täjıribenıŋ bolmauy, ırıkteu turnirlerın keiınge qaldyru nemese olardy küntızbeden alynyp tastaluy syndy oqiǧalar byltyrdan berı Tokio Olimpiadasy şeŋberınde belgısızdık boldy. Bügınde bızdıŋ mındetımız – olarǧa barlyq jaǧynan, sonyŋ ışınde olimpiadalyq kiım siiaqty mäselelerde barynşa qolaily jaǧdai jasau. Sondyqtan 35 sportşydan tūratyn komissiia formany taŋdau qūqyǧyn aldy jäne olar özderı Tokioda olarǧa kiiuge ne yŋǧaily bolatynyn anyqtady, – dep pıkır bıldırdı Ūlttyq Olimpiadalyq komitet.Olimpiadalyq kiım formasyna kejual formatynda taŋdalynǧan. Dizainer kolleksiianyŋ yŋǧailylyǧyna, berıktıgıne, şydamdylyǧyna kepıldık beredı, sonymen qatar būl kiımderge kütım jasau oŋai jäne myjylmaidy dep atap öttı Olimpiada formasynyŋ dizainerı Saltanat Baimūhamedova.
"Qazırgı zamanǧy matalardy jasau tehnologiiasy damydy, olardan jasalǧan zattar terıge beiım, gipoallergendı jäne jaqsy körınedı. Sportşylar däl men ūsynǧan kiım formasyn taŋdaǧanyna quanyştymyn. Olimpiadaşylardyŋ taŋdauy menı şabyttandyrady. Olar Olimpiada aiaqtalǧannan keiın de būl formany kigılerı keletının aitty. Men bızdıŋ sportşylardyŋ Tokioda progressivtı jäne zamanaui bolyp körıngenın qaladym. Älemdık trendter men sportşynyŋ qalauyn bırge ūştastyryp, formany "sport-şik" formatyn ūsynǧym keldı", – dedı dizainer."Adyrna" ūlttyq portaly
