Nūrmahan Orazbek 1938 jyly 1jeltoqsanda Oŋtüstık Qazaqstan oblysy Türkıstan audany, Qandöz auylynda düniege keldı. Ol öz qatarynyŋ jüzden jüirık jurnalistı, bılıktı baspager, sözı sübelı jazuşy. Būǧan «Qasiettısıŋ, sen Otan!», «Qaǧaju körgen ömırden», «Bar ailasy – bas paidasy», «Mūhittyŋ arǧy jaǧy, bergı jaǧy», «Şapyq Şökin» atty töl tuyndylary dälel. Nūrmahan Orazbekov kım edı, qazır kım? Osy sūraqtyŋ mazmūny men maŋyzyn aşu üşın eŋbek jolyna köz jügırtıp öteiık. Jastaiynan oqu-bılımge qūştar azamat bala küngı armanyn oryndaǧysy keldı. Oquşy kezınen-aq maqalalary jaryq köre bastady. 1962 jyly Qazaq Memlekettık universitetınıŋ jurnalistika mamandyǧyn tämämdäidı. Student kezınde qoly bosai qalsa «Qazaq ädebietı»gazetıne bara beretın.Sol jerde jürıp şyǧarmaşylyqta şyŋdaldy. Al keiın, oqudy bıtırgen jyldann bastap «Oktiabr tuy», «Leninşıl jas», «Sosialistık Qazaqstan» gazetınde tılşılıkpen tırşılıgın jalǧastyra berdı.
«Eŋbek adamnyŋ körkı, Adam zamannyŋ körkı»-degen maqal bar. Tap bır Orazbekovtyŋ beinesın aşyp tūrǧan siiaqty. Onyŋ boiynda eşkımge ūqsamaityn keremet qasiet bar ekenın baiqaimyz. Atamyzdy jurnalistika jolyna äkelgen osy boluy kerek. Bala kezınde qatarlastarynan oilau qarqyny özgeşe bolǧan ol,qolynan kıtap tastamaǧan. Mıne,sol eŋbegınıŋ arqasynda söz qūdıretınıŋ qanşalyqty ekenın sezındı.Sol sebeptı, Nūrmahan Orazbekov degende taŋdana tyŋdaisyŋ. Ol student kezınde-aq ülken ızdenıspen jürdı.
Al bügın de Qazaq ädebietı sondai-aq, qazaq jurnalistikasynda esımı dürkırep tūr.
Baspasöz betıne kezek-kezek şyǧyp otyrǧan maqalarynyŋ sanyna jetu mümkın bolmady. Būl oqudy jaŋa bıtırgen studenttıŋ mamandyǧyna süiıspenşılıgı bolsa kerek.
Ol baiyppen söileitın. Sözdıŋ siqyn ketırgen emes. Onyŋ halyq nazaryna ūsynǧan maqalalary – özındık obrazǧa ie. Būl jan-jaqtylyǧy ıspettı. Öz zamandastary men salystyrǧan künnıŋ özınde, Orazbekovtyŋ jūmysy «eŋ jaqsysy» bolyp tūratyn.
Tereŋ oiǧa batatyn közderınıŋ tūnyqtyǧy sondai qaraǧan jerden köz almai qalatyndyǧy ötkırlıgın körsetedı.Samaiyndaǧy aq şaştyŋ özı,jürıp ötken jolynyŋ tarihy tärızdı. Köp külmese de jüzınen jylulyqty aŋǧaruǧa bolady. Abyroi üşın emes,ar üşın qyzmet etken Nūrmahan Orazbek atamyz qarapaiym qalpyn saqtai aldy.
Qysqa ǧūmyryn bır emes, barşa qazaqqa arnaǧan jazuşynyŋ jarq etken jüzı qazaq jurnalistikasyn qalyptastyryp kettı. Ol qaitalanbaityn mūra qaldyrdy. Aqiqatty aitty, sypaiy bola bıldı.
«Eŋbegıne qarai önbegı». Halyq aitsa qalyp aitpaidy. El aldynda abyroiy asqaq atamyzdyŋ artynda qalǧan eŋbegı qaşan da qūndy bop qalady.
Ömırdıŋ mynau baǧynbas biık qamalyn,
Otyna küiıp oiyŋdy talai jazǧansyŋ
Özıŋnen oqyp jalyndap sosyn jalyn ap,
Özıŋe ūqsap bır jyly lebız jazamyn.
Sen ketkende jūrt jylady egılıp,
Joqtyǧyŋdy jür ǧoi halyq sezınıp.
Tarihtaǧy tūlǧa degen atyŋa,
Jazǧym keldı jürek jyryn tögılıp.
Batyry da batyly bop elıŋnıŋ
Şoqtyǧyna şyǧa bıldıŋ senımnıŋ
Myqtylardy moiyndau da bır erlık
Özgelerden erek erık-jıgerıŋ...
Sen tuǧan kün bırı edı jeltoqsannyŋ,
Jūldyz sonda közın kökke jaqqan myŋ.
Ata senıŋ ömırge kelgen künıŋ-
Qūdai aqy, Qazaqqa baq qonǧan kün!
Jadyra BAǦAŞAR,
äl-Farabi atyndaǧy QazŪU-dıŋ
jurnalistika fakultetınıŋ studentı.
