26 jastaǵy Balqash qalasynyń turǵyny jantúrshigerlik toptyq zorlaý oqıǵasyna túskendigin aıtty. Onyń áńgimesin áleýmettik jelilerde «NeMolchi.kz» qoǵamdyq qory jarııalady, dep habarlaıdy "Adyrna" portaly.
Jarııalanǵan aqparatqa sáıkes, Balqash turǵynyn zorlaý 23 maýsymǵa qaraǵan túni bolǵan. Sol kúni keshke ol dúkenge balalarǵa aıran men nan satyp alýǵa bardy. Alaıda, ol sodan soń úıine oralmady. Joǵalǵan áıeldiń kúıeýi ony týystarynan, jaqyndary men tanystarynan izdeı bastady. 25 maýsymda sátsiz júrgizilgen izdeýden keıin ol polıııaǵa onyń joǵalǵandyǵy týraly habarlady.
Osy kezde zorlyq jasady degen kúdikke ilikkender, qordyń málimdeýinshe, jábirlenýshini dúkennen úıge kele jatqanda baqylaǵan. Er adamdardyń biri jábirlenýshimen tanys bolyp shyqty.
Er adamdar áıeldi májbúrlep kólikterine otyrǵyzyp, dalaǵa aparyp, túni boıy zorlaǵan degen boljam bar. Olar sondaı-aq ony uryp-soǵyp, mazaq etken, tipti oǵan temeki otyn sóndirgen. Tańerteń olar oqıǵa qurbanyn dalaǵa laqtyryp, ketip qaldy.
«Oqıǵadan keıin jábirlenýshi eshteńege qaramastan polıııaǵa júginýge sheshim qabyldady. Biraq polıııa oǵan qysym kórsetti. Onyń jaǵdaıyn kórse de týystaryna aıtpady. Tek onyń tabylǵanyn aıtty. Sot sarapshylarynyń saraptamasynda tipti bireý ony balaǵattap jáne jaǵdaıdyń jaı-japsaryn anyqtaýda qolyn bir-aq siltegen», - deıdi NeMolchi.kz qory.
Sondaı-aq, qor ókilderi polıııa qyzmetkerleri jábirlenýshige qaraǵanda zorlaǵandarǵa kóbirek senetindigin aıtty.
«Tergeý kezinde kóptegen suraqtar qoıyldy, biraq meniń oıymsha, olardy qoıýdyń esh paıdasy joq. Olar áıeldi ádettegideı jezókshe men maskúnem jasap, ol bárimen birge osyndaı áreketke barýǵa qumar, oǵan temekini sóndirýge múmkindik beretin, qabyrǵasyn uryp, «ózara jynystyq qatynasqa» razy bolatyn, aıaǵy jáne arqasyndaǵy kógergen aımaqtarynyń bárine ózi kinálideı áıeldi aıyptaıdy» dep qosty qor.
Jaǵdaıǵa Qaraǵandy oblysynyń polıııa departamentinde túsinikteme berildi. Mınıstrliktiń habarlaýynsha, áıeldiń joǵalýy týraly málimdeme Balqash polıııasyna 25 maýsymda saǵat 12.45-te túsken. Sol kúni, saǵat 16.00-de izdeýde júrgen áıeldiń ózi Balqash polıııa bólimine keldi, ol zorlanǵany týraly habarlady.
Atalǵan fakti boıynsha QR Qylmystyq kodeksiniń 120-baby 2-bóligi «Toptyq zorlaý» boıynsha qylmystyq is tirkeldi.
"Polıııa qyzmetkerleri eki er adamdy anyqtap, ustady, olardyń biri jábirlenýshini 2012 jyldan beri biledi. Ustalǵandar bolǵan oqıǵanyń óz nusqasyn usyndy. Tergeý barysynda saraptamalar taǵaıyndaldy, onda shyndyqty anyqtaý úshin alǵashqy sharalar qabyldandy", - dedi Qaraǵandy oblysy Departamentiniń tergeý bóliminiń bastyǵy Rústem Qulkeev.
Departament sonymen birge jedel-tergeý toby istiń barlyq mán-jaılaryn jan-jaqty, tolyq jáne obektıvti tergeý jáne jábirlenýshiniń dálelderin tekserý úshin Balqash qalasyna jiberilgenin qosty. Qylmystyq isti tergeý barysy Qaraǵandy oblysynyń polıııa departamenti basshylyǵynyń baqylaýynda.
"Adyrna" ulttyq portaly
