Almaty oblysynda 29 jastaǧy äiel qaiyn apasyn öltırdı degen küdıkpen ūstaldy, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Almaty oblystyq polisiia departamentı baspasöz qyzmetınıŋ mälımetınşe, oqiǧa Jambyl audanynyŋ Qarǧaly auylynda bolǧan. 6 şılde künı tüngı saǧat 3:00 şamasynda Jambyl audandyq polisiia basqarmasyna jer üidıŋ bırı örtenıp, ışınen 37 jastaǧy äiel adamnyŋ denesı tabylǧany jönınde habar tüstı.
27 jastaǧy körşısı tün ışınde oianyp, örtenıp jatqan üige kömekke jügırgen. Er adam janyp jatqan üiden kämelet jasyna tolmaǧan 3 balany jäne äiel adamdy alyp şyqqan.
«Tergeu kezınde örtten qūtqarylǧan 29 jastaǧy äiel adam öltırdı degen küdıkke ılındı. Ol özınıŋ qaiyn äpkesın öltırıp, üidı örtegenın moiyndady. Sözınşe, ol jasaǧan qylmysynan soŋ üige benzin qūiyp, özın de, balalardy da örtep jıbermek bolǧan», – dep mälımdedı atalǧan vedomstvonyŋ baspasöz qyzmetınen.Qazır osy qandy qylmysqa qatysty QR QK 99-baby boiynşa sotqa deiıngı tergeu bastaldy. Küdıktı 29 jastaǧy äiel qamauǧa alyndy.
"Adyrna" ūlttyq portaly
