Elordada köpsalaly medisina ortalyǧyndaǧy qatelıktıŋ kesırınen qaiǧyda jürgen balalary öz äkesınıŋ ornyna basqa bıreudıŋ denesın jerlei jazdady. Medisina mekemesınıŋ qyzmetkerlerı marqūmnyŋ mäiıtın basqa bıreumen şatastyryp, Tarazǧa ūşaqpen salyp jıbergen, dep habarlady "KTK" telearnasy.
"Aşsaq, basqa bır adam. Inısı bolǧan, sol kördı. Ekı balasy kördı. Men kördım, ol emes bop şyqty. Beinesı bıraz ūqsaidy. Al endı qalǧany qaida desek, olar aitpaidy. "Joq, osy" deidı. Özıne äkep būrynǧy suretpen salystyrdyq, mıne, myna adam, mynandai bolatyn dedık. Anada meŋ bar, mynada meŋ joq degennen keiın būlar qipylyqtai bastady. Tarazǧa ketıp qaldy dedı", - dedı marqūmnyŋ tuysy Käken Jantaiūly.Bügın taŋerteŋ Tarazǧa ketıp qalǧan marqūmnyŋ denesı tüs aua ūşaqpen elordaǧa qaita jetkızıldı. Äkelgen boiy balalary men tuystary äuejaidan kölıkke salyp jerleuge alyp kettı. Aitularynşa, jetpıs jastaǧy kısı ekı apta boiy koronaviruspen auyryp, aqyry betı berı qaramai o düniege attanǧan. Därıgerler jaǧdaidy bylai baiandaidy: ekı mäiıt keşe infeksiialyq auruhanadan jetkızılgen. Keşe keşke ekı mäiıttıŋ bırınıŋ balasy kelıp, 63 jastaǧy äkesın tanyp, Tarazǧa äketetın bolǧan. Sol tärtıppen bügın taŋerteŋ sol mäiıt Tarazǧa jıberılgen. Alaida Tarazda jerlenuı tiıs bolǧan kısınıŋ balasy jaǧdaidy basqaşa tüsındırdı. Aituynşa, keşe özı kelıp äkesınıŋ denesı qaisy ekenın körsetıp ketken. Osy bylyqtyŋ kesırınen öz äkesınıŋ denesı Tarazǧa bügın keşke jetkızıleiın dep tūr. Sondyqtan därıgerlerdı salǧyrttyǧy üşın sotqa beruge bekıngen. Aq halattylar kınäsın moiyndap, marqūmdardyŋ tuystarynan keşırım sūrady. Sondai-aq şatasqan mäiıttı Tarazdan qaitaryp äkelu şyǧynyn da öz qaltasynan tölegen.
"Zerthanaşy mäiıttıŋ betın aşyp körsetıp sūraǧan balasynan: "Sızdıŋ äkeŋız be?" dep sūraǧan. Ol: "İä, menıŋ äkem" degen. Odan keiın räsım qyzmetımen bırge keldı deidı. Myryş tabytqa salyp alyp kettı deidı. Odan keiın ekınşı mäiıtke balasy taŋerteŋ kelgen. Tuystarymen. Olar aşyp qaraǧan kezde mäiıt böten bolyp şyqqan. Sol ekeuınıŋ orny auysyp ketken", - dedı Nūr-Sūltan qalasy köpsalaly medisina ortalyǧy direktorynyŋ emdeu jūmysy jönındegı orynbasary Baqtybai Orazbekov.
«Adyrna» ūlttyq portaly
