2021-2022 oqu jylynda bakalavriatqa tüsu üşın 56 myŋnan, magistraturaǧa tüsu üşın 13 myŋnan astam grant bölındı, dep habarlaidy «Adyrna» tılşısı BǦM baspasöz qyzmetıne sılteme jasap.
Esterıŋızge sala keteiık, biyl Prezidenttıŋ tapsyrmasy boiynşa granttardyŋ jalpy sany 5000-ǧa artty. Bılım beru granttaryn taǧaiyndau konkursyna qatysu üşın ötınışterdı qabyldau 13 şıldede bastalyp, 20 şıldege deiın jalǧasady.
Bılım beru granttary QR Eŋbek jäne halyqty äleumettık qorǧau ministrlıgınıŋ derekterıne jäne jūmys beruşılerdıŋ sūranysqa ie mamandyqtar turaly aqparatyna säikes bölıngen.
Bakalavriat boiynşa granttardyŋ eŋ köp sany injenerlık, öŋdeu jäne qūrylys salalaryna bölındı – 17 028 grant. Pedagogikalyq ǧylymdar – 9573 grant, aqparattyq – kommunikasiialyq tehnologiialar – 7487, jaratylystanu ǧylymdary – 4088, auyl şaruaşylyǧy ǧylymdary – 1895, densaulyq saqtau salasyndaǧy mamandyqtarǧa – 2700, öner jäne gumanitarlyq ǧylymdar – 1615, biznes, basqaru jäne qūqyq – 1223, äleumettık ǧylymdar, jurnalistika jäne aqparat mamandyqtaryna 960 grant bölındı.
"Mäŋgılık el jastary – industriiaǧa" ("Serpın") baǧdarlamasy şeŋberınde de granttar qarastyrylǧan. "Talapkerler qūjattaryn aqparattyq jüie arqyly tapsyratyn bolady. Sonymen bırge joǧary oqu oryndarynda virtualdy qabyldau komissiialary jūmys ısteidı. Mamandar ötken jyldaǧydai beine bailanys arqyly talapkerlerge keŋes beredı", – dep habarlady QR Bılım jäne ǧylym vise-ministrı Quanyş Erǧaliev.Magistraturada oquǧa granttardyŋ köp sany pedagogikalyq mamandyqtar boiynşa qarastyrylǧan – 3 642 grant. İnjenerlık, öŋdeu jäne qūrylys salalaryna – 3429, jaratylystanu ǧylymdary, matematika jäne statistika baǧyty boiynşa – 1278, aqparattyq-kommunikasiialyq tehnologiialar boiynşa – 1233, auyl şaruaşylyǧy jäne bioresurstar boiynşa – 527 grant bölındı. Keşendı testıleuden ötuge niet bıldıruşılerdı tırkeu 18 mausymda bastalyp, 15 şıldege deiın jalǧasady. Emtihan 20 şıldede bastalady.
«Adyrna» ūlttyq portaly
