Şymkentte jas balalarǧa qatysty jynystyq qylmys jasaǧany üşın jazasyn ötep jatqan üş tūtqynǧa himiialyq kastrasiia jasaldy. Aiyptaluşylar jergılıktı jurnalisterge būl räsım jynystyq densaulyqty ǧana emes, jalpy densaulyqqa da ziianyn tigızetının aitty, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Marat esımdı (aty özgertılgen) tūtqynǧa temır tordyŋ ar jaǧynda älı 15 jyl otyru kerek. Ol kämeletke tolmaǧan qyzdy zorlauǧa tyrysqany üşın sottalǧan. Osyǧan ūqsas baptar boiynşa sottalǧandarmen bırge ol himiialyq kastrasiiadan öttı. Tūtqyn telearna jurnalisterıne ineksiiadan keiın densaulyǧy äldeqaida jaǧdaiy naşarlaǧanyn aitty.
«Sot 15 jylǧa qataŋ rejimde jaza öteu qajettıgı jaily şeşım şyǧardy. Taǧy kastrasiia jasaudy būiyrdy. Menıŋ ısımde zorlyq-zombylyq jasauǧa tyrysty dep jazylǧan, bıraq qazır ne ısteu kerek? Er densaulyǧy jaǧynan bärı naşarlap kettı, maǧan jynystyq ömır kerek, bıraq ol jaqta eşteŋe jūmys ıstep tūrǧan joq. Nege kastrasiia jasauy kerek? İä, men kınälımın, moiyndaimyn. Bıraq endı ne ısteimın? Menıŋ de ömır sürgım keledı ǧoi. Menıŋ otbasym, balalarym bar!» — deidı ol.İCh-167/3 qataŋ rejimdegı koloniiada jüzden astam sottaluşy 124-bab "kämeletke tolmaǧandardy azǧyru" boiynşa jazasyn ötep jatqanyn aitady. Üşeuı himiialyq kastrasiia jasaǧan, olarmen psihologtar men medisinalyq-sanitariialyq bölım därıgerlerı jūmys ıstep jatyr.
«Bızdıŋ koloniiada 700-den astam sottalǧandar bar, olardyŋ jüzden astamy «pedofiliia» baby boiynşa, üş sottalǧan adamǧa kastrasiia qoldanylǧan. Sodan keiın kastrasiia taǧaiyndalǧan adamdarǧa jospar boiynşa ineksiia engızıledı», – dedı mekeme basşysynyŋ orynbasary Maǧjan Esımbek.Otyrar arnasynyŋ mälımetınşe, 2021 jyldyŋ soŋyna deiın pedofiliia üşın sottalǧan 30 adam bostandyqqa şyǧady. Olar himiialyq kastrasiiaǧa ılınbeidı, öitkenı olardyŋ barlyǧyna osy zaŋ Qazaqstanda küşıne engenge deiın ükımderı şyǧarylǧan. Qazır kastrasiiaǧa qatysty köptegen pıkırtalastar bar, keibıreuler kastrasiianyŋ mänı joq deidı, öitkenı būl tek uaqytşa äser beredı dese, endı bırı, kerısınşe, bosatylǧannan keiın de sottalǧandarǧa ünemı ineksiia salyp otyru kerek dep sanaidy.
"Adyrna" ūlttyq portaly
